|
الخوف
آه يا هذي الحضارة
كانت الأحلام غابة .. ليت بس ما سوّروها وزرعوا الجدران فيها كيف أجيها !! كنت أهاب أوصل إليها وهي عذرا رغم إني أول الي شاف تفتيح البنفسج وإزدهارة وراح يتهجـّـا إنفعالاته ويقرا كيف يتحسّس يديها وكيف يهديها إنبهارة وش بقى بعد إنتمنّى ؟ دام فينا الخوف يـسـرق أجمل اللحظات منـّـا !! * * * لا تبالي .. من تزوّجته نسيتك ما بكيتك حتى يوم إنّي أمرّ بجنب بيتك ، ما بكيتك حتى إسم أكبر عيالي صج مثل إسمك ولكنه تسمّا بإسم خالي لا تبالي .. * * * أطرق براسه وحبـّـات العرق باست مداسه * * * لا تبالي .. تبقى يا شاعر مثالي ذكرى وتداعب خيالي من سنيــن لين ما اتناثر رمادي وليل شعري به تحنـّـا شفت كيف الخوف يـسـرق أجمل اللحظات منـّـا !!! |
تشرين ثاني ينتظر
وأنا أنتظر .. وأشعر بروحي ترتفع مع كل زفره للسما غمام تتشكّل وتتساقط لك أتعبها الضما في هالشهر .. هديّتك : روحي مطر !! عطشان وأتساقط مطر كل ما هطل قطراته أحضان وقبل وأماني شفافه وأمل "ياليت يبلّلنا سوا .. يغسل سواد البعد عنا والنوا .." هذا أنا أتساقط مطر قطرات تحلم بالوصل تفنى لجل يبقى أمل حسّي بها !! |
هي تداعيات أولى .. ربما تنقــّـح لتكون قصيده .
القريب من البعيدين، بحماسَهْ، شال فاسه واحتطبني. شبّني ليته تدّفا يوم اشعلني حنين. ليت انفاسه تهجــّـت اي نفس غير الوداع، ليت مات أو ليت ضاع، ومات فيني كل ما فيني تجاهه. شكثر يكسرني حضوري دونما لفت انتباهه، شكثر يكسرني غيابي في غيابه! القريب من البعيدين، ارتواني، كنت شربه، كنت كاسه لين أثملته بطيبي، بالمثاليه، بكوني كل ما يخطر بباله، أو حواسه، من محب وأبجدية. لين ما مل ورماني. أو هي ظنوني القبيحه، هيأت لي بعده القسري فضيحه، للغرور اللي اعتراني. اعرف ان اطول سنه مرت عليّه، كانت الخمسه ثواني في الـ " نهايه "، يوم مات آخر لقاء، وقوّس اضلوعي قزح هم وكآبه. ما عرفت اني جهلت الشعر وكيف ابدا ارتكابه، بس هذا الشيء غابه، ما احتواها حرف يكتب، أو نزيف بصدر شاعر، كان في باله قصيده، وجف حبره، وبغباء، راح يطعن بير في صدره، ويكتبها دماء ! ايه هذا الشيء غابه، ما عرفت اكتب تجاهه اندفاعي وانبهاري باخضراره، او طباعي لا استدار بإستداره، وكيف اتروّض واصبر، رغم اني ميـّت بقطفه ثماره. وكيف يكسرني ويجبرني انكساره ثم يكسرني ويجبر ثم يكسرني ويجبر ، لآخر حدود الرتابه . قلت هذا الشيء غابه، ليت بس ما سوّروها، وزرعوا الجدران فيها، كيف اجيها ؟ كنت اهاب اوصل إليها، وهي عذرا، رغم اني اول الي شاف تفتيح البنفسج وازدهاره، وراح يتهجـّـا انفعالاته ويقرا، كيف يتحسس يديها، وكيف يهديها انبهاره. القريب من البعيدين، ببساطه، راح وأورثني سياطه، اجلد احساس الحيا بي، مدري هبته ما عسفته، او فلت منـّي رباطه. القريب من البعيدين، البعيد من القريبين، أو سرابي ، كل ما بي، كل ما بي يسأل بلهفة وحيد : قل لي بس ترجع عليّه ؟ لا تعيّشني ارتياب .. بين غيباتك ووعدك ترسمه واطرد سرابه ؟ وهذا هو سر التغابي، يوم اهز جذع القصيد وتسقط التمرات منه لفوق وتعانق سحابه، آه ليتك تدرك ان القلب كم يلقى اغتراب من رحل نبضة، يا نبضة، يا جسده، يا اغلى صحابه يشبة لراس بدويّ ٍ مغترب أشيب شباب أطرق بحزنه فقد في وسط هالميدان لابه صبـّـحوهم بالهنادي والقنا وبرق الحراب ما بقى غيره شريده انتخى وما احدٍ درابه وآتساقط .. في غيابه .. والله انك قاسي وراسي من اللي صار شاب والله اني كل ما قلت الفراق اخشى ارتكابه كل ما همـّـيت في قولة [أيا مال الذهاب] انربط والخوف يسكني واعوذ من الردا به وآ ت س آ ق ط ، في غيابه أعرف ان فصل الشتا نبذه عن فصول الغياب واللقا [ارضٍ خصيبه] .. لا اجدبت حلّ إنسكابه والجـَــنَـا، اوّاه يا هالموسم السادر خراب دام ما تبذر أراضي الوصل ................................. [تيتي يا سحابه]. |
أنا أحتاجك،
وكم أستحضرك بغيابك، كأني ضارب المندل، وأضوّي ذكرك [سراجك] كم أحتاجك، مثل ما الغيم يحتاج إنه يفضفض، مطر حزنه ببعض البوح. كم أحتاجك، وأنا مذبوح، بنصل البعد فقدانك، ونصل الوصل إحراجك. بس أحتاجك. |
من بداياتي في كتابة التفعيلة
آتلاشى .. ما بقى غير الشعور يحرق افكاري بخور تنتشي منه الغواه وترتوي منه العطاشا آتلاشى .. احترق روض الزهور وصار في لحظه عطور فاحت بواسع فضاه وهاجرت منه الفراشه يا حبيبي أسألك بالله لا تطري الوداع خلها حتى تذاع غيبتي بوقت الحضور خلها دام آتلاشى وما بقى مني حضور غير هالشعر و كتابة خطّها قلبي اللي حبّك: "إيه احبـّـك 00 هذا انا فيك آتلاشى" 2001م |
نصر الله من قبوه، يخطب : .....
بمناسبة مرور عام على شهر "العبث" الإيراني الإسرائيلي !
مر الشهر بسرعة .. وجرعة أكبر من صليات النار، وجرعة أكبر من شاشات الموت اللي تُدعى أخبار، وجرعة أكبر من حبس الأنفاس، من أوجاع الراس، الإحساس بأن الناس أرخص من مشهد، في آلة من صنع الناس! مر الشهر بجرعة أكبر من خوف الموت بلا جثّة، وأشلاء الأطفال الرثّة، من ضعف بهالكثرة الغثّة، الأفضل في " كرّ " الشكوى، الأفضل في " فرّ " اللوم، والأفحل فيهم مرجلته، ما تتجاوز غرف النوم. مر الشهر بجرعة أكبر، من توجيه النداءات، من اللاءات، الإملاءات، من الغارات، الإخلاءات، من الجَلْد السادي للذات، ونَصْرَالله من قبوه ، يخطب : " آتٍ ، آتٍ ، آتٍ، .. آتْ ! " مر الشهر بسرعة بسرعة، وبجرعة أكبر من عاجل، والوقف الفوريّ الآجل، والقادة مهتمّة لكن، تتراسل بالطير الزاجل.! |
أحبك للمرة الأولى !
"أحبك" .. للمرة الأولى. - أنا احبّك. وأتحوّل إلى غيمة . سبحت بأزرقٍ لامع متى كان المدى شاسع ؟ تنفسّت بجموح وقلت في نفسي : وداعاً يا سنين الكبت . - أنا أحبّك. كساني من الدفا ، الناعم سنا اللهفة يزيد وذبت طفل وأتحوّل لغيمة - أنا أحبّك ..، بهاللحظة يطيب الموت يا ريمه !! تظن دموعها طاحت؟ تظن شدّت على إيدي ؟ تظن الكلمه إرتاحت من سكوتي وفمي قيدي !! 27 - 5 - 2005م |
لا تبكين،
إنتي بحزنك ما تدرين. إن أفراحي تتوّحد، تتشكل روح، تتجمّل فيك وتتجسّد. وتركض لي بأذرع مفتوحه. وأركض لك بأذرع مفتوحه، وأتشرنق حولك بعناق، مثل المنفي وذكر أوطانه، مثل المحّار إن ضمّ الدرّ بأحضانه، جفنين ودمعتهم باتت محفوظه ماهي مفضوحه، جسد وروحه. أتشرنق حولك بعناق، وأتشبّث بك مثل الطفل. وأركض لك بأذرع مفتوحه. لا تبكين، إنتي بحزنك ما تدرين، عن شوق الأمطار لْـ لمسك، وإن الريح تحاتي همسك، وإن الأرض لخطو أقدامك تعشوشب شوق وتتورّد. وإن أفراحك أذرعها دايم مفتوحه. دايم أذرعها مفتوحه. لا تبكين. |
| الساعة الآن 03:13 AM |
Powered by vBulletin® Copyright ©2000 - 2025, Jelsoft Enterprises Ltd.