بسم الله الرحمن الرحيم
"

:
(( هوليوود الافلام ))

ازعل وترضيني مقابيل الايام
غصبن على كسرى وعلى قيصر الروم
:
وارضى مادام ان الرضا سيد الاحكام
مزعوم ياسليمان هيكلك مزعوم
:
عالهودلك يابه تواريخ واقوام
وعالهودليه ثورة اعراف اسلوم
:
آخر خبر عاجل واول خبر هام
ضيعت سيفن في يدي يقهر القوم
:
في ساعة الشدات ساطي وصمصام
صم الصخر من ضربته صار مقسوم
:
في ليلتن فيها بعد رز الاعلام
اصبح بها المجهول واقع ومعلوم
:
ليلة صباحن يجلي انفاس الاظلام
وقع على بيان ظالم ومظلوم
:
ليلة صباحن مانسي كل الاحلام
اكبر طموحاتي غدت ليل وحلوم
:
ليلة صباحن ليلها شام مانام
مانام نام اللي من الهم معصوم
:
ليلة صباحن صام به واحد صيام
نهار وقفه قاضين يوم عن صوم
:
ليلة صباحن تصبح عيون واقلام
وخيال فكرن يرسل علوم وعلوم
:
في ليلتن فيها تقاسيم الانغام
قلوب وعيون ودواوير وسهوم
:
ليله ولا ليله بهوليوود الافلام
انتاج لب اخراج خادم ومخدوم
:
ليلة صباح اصبحت والدين الاسلام
واللي يصيب الناس جاري ومحتوم
:
قامت تحدانا خفافيش الاقزام
قلنا لها ياقوم وتقول ياقوووووم
:
:
الروقي ..ن..