|
. المدى مايشبه عيونك .. ياغادة ! .............. وانتي الطف ماعلى الدنيا ... وارق ! يوم قلتي شوف بعيوني السعادة ! .............. قلت لك وآلذ ّ مافيها ....... الغرق !! بسرق النجمات .. وانضم لك قلادة ! .............. وقولي هالمجنون شوفوا وش سرق ! شاعرك مافيه جرح ٍ .. ماأجاده ! .............. هذا غير احْكايته ..... ويا .. الأرق ! الورق لو حس ّ بي لحظه ياغادة ! .............. ماتمنّى لحظة ٍ .... يصبح / ورق !! . |
. و.. ..... القوافي !! دام فيها " الملح " وافر .. لاتخافي ..! دام فيها " الجرح " كافر .. لا .. عوافي !! باكر أحطب لك من ضلوعي دفاتر .. باكر .. اشكي باكر .. احكي باكر .. ابكي باكر .. وباكر يجينا الليل .. واصل الليل ساتر !! لاتخافي .. دام قلبي .. يمشي المسكين .. حافي !! إذكريه بـ " خير " يوم إنه سعى لك .. إذكريه بـ " طير " ! غنى لك وجالك .. كم مشى بك .. كم مشى لك .. كم مشى فيك .. وشكالك ..!! وكان طيّب .. .... كان وافي ..! وكان ... " لما كان غافي " : شاعر وقالت له " القمرا " تعال !! ...................... وكان أبسط مانطق : وشلون أطير !!؟ ماوقف في وجهه .. إلا هالسؤال !؟ ...................... ليه يبقى " الحلم " في عيوني صغير !!؟ . |
.
الليلة ببـداها حزن ..... الليلة بنهيها ضياع ! الليلة أولها .. مزن ! ..... الليلة آخرها وداع ! الليلة هذي من تعب ! ..... الليلة ( لايمكن تفوت ) ! الليلة أحياني صعب !! ..... الليلة .. ماودي أموت ! الليلة معجونه بـ أرق ! ...... الليلة تشبهني ظما !! الليلة محتاجك غرق ! ...... الليلة أنتي ربـ(ـــما ) !! . |
. حزين ياملح البحر / صاحبك ... ليه ؟ .............ماشلت منّه ( بعض منّه ) .. دخيلك ! يرمي بـ حضنك ذكرياته .... وترميه ! ............. ماكنه اللي كان دايم ...... يشيلك !! كم كان يرسم في عيونك .. موانيه !! ............. وكم من مواني في عيونه ..تسيلك ! كم ليل صحّى مع جنابك ... طواريه !! .............و كم جرح خاوى ..هفـهفاتك وليلك !! كم من ( عهد ) خطّه ترابك وتمحيه ! .............وكم من نهاية كانت أشهى حصيلك ! كم كانت آماله تنافس .... خطاويه !! ............. وكم كان يتعب من أسى ويحبي لك !! وهذا الخفوق اللي انا مبتلش فيه !! ............. باقي خليلك !؟ وإلا ماهو ... خليلك !! خله معك ماعدت أنا اطيق ... طاريه !! ............. وإلا اذبحه من شان .. يكمل جميلك !! حزين ياملح البحر / صاحبك .... ليه !!؟ ............. ماشلت منّه ( كل كله ) .... دخيلك !!؟ . |
.
. واجهلي ماصار في هذا البحر !! عاشق أغبي مايكون افـ هالزمان .. حبّه له طفله تغيظ النور .. والبللور .. حتى الزعفران !! سالفة قد ٍ يسافر بالرياح !! سالفة خد ٍ قطف منها / الـ صباح .. وهذا كله غير .........( سالفة النحر ) !! ذاقها مره وحسّت بالأمان ! ذاقها مٌره ! نساها .. وانتحر ....!!! . |
. كانت القمرا هِنا .. وأنتي هِنا !! .......... وكانت الدمعة تجي .. كل ماتجين !! مو سؤال إن قلت حنّا ... أيّنا ! .......... وايّنا حنّا !؟ ؟.. وحنّا ... من حنين ! قولي إن الضي هذا .... مننّا !! .......... وإننّا عشّاق ... يا . سود السنين !! نِزعل النّوير ... ونغيظ السنا !! .......... لارمانا الشكّ في جوف .. اليقين !! إلا ّ أنا منهو سوى (طينة عنا) ! .......... ونابت ٍ لي وجه ورجول .... ويدين !! قلت أنا : منهو أنا !؟ قلتي أنا !!! .......... قلت طيب والهوى قلتي .. حزين ! كان مثل النور ... يعني مثلنا ! .......... وانطفى ضيّه .. / وفيّه .. مايبين ! قلتي : آحبك وقال :.. الله لنا ! .......... المكان اللي بكى به " عاشقين " !!! كانت القمرا هِنا .. وأنتي هِنا !! .......... وكانت الدمعة تجي .. لو ماتجين !! . |
. حايليني ! أكذبي دايم معاي .. وصدّقيني !! قولي " ملهوفة أجيك " ..! ولاتجيني .. أرحلي دايم مثل مانتي أمانه .. واسكنيني !! قولي ملّيتي اشتياقي !! قولي ملّيتي احتراقي .!! قولي : ياخي ماأبيك .. ! لن أنا ماعاد .. " أبيني " !!!! . |
. من يقول إن التعب أقفى وغاب !؟ ........... هذي عيونه على قلبي ... تويق!! ضيقة ٍ بالصدر .... ما منها عذاب ! ...........العذاب : اصدور بـ عيوني تضيق !! . |
| الساعة الآن 10:05 AM |
Powered by vBulletin® Copyright ©2000 - 2025, Jelsoft Enterprises Ltd.