منتديات أبعاد أدبية - [ لَّبِنـة عاشرة][خالد صالح الحربي]

اقتباس:

المشاركة الأصلية كتبت بواسطة فاتـــن حسيـــن (المشاركة 840021)

:

هذا المسا ماهو مسا ، خير دونك
قولي أسا ، وآقول : من دون آخر

كِنّ البَلَد [منفى] ، وربّي بدونك
لا البحر بحر ، ولا البواخر بواخر

مدري هو إنّي كنت أشوف بعيونك
وإلا وجودك يجعل الكون فاخر !

****
:
:

من نسلط عليه ضوئنا اليوم جديراً بالتمعن..
استمتعنا بدقته الأدبية..
وترفنا بـِ اسلوبه البديع
شاهقاً..
أتعبنا بلوغه.. وبلوغ شهد لفظه..

تاريخ التسجيل
05-20-2006
إجمالي المشاركات
9,582

قبل نتمعّن و نتنعّم بـ... الأحلام ،
هَيّا بنا نَقْرأ .. [ فناجين بُكْرَة ] !

بُكرَة هُو آخر خيط بيدين الأيّام ،
ومن عَلّمَك للحُبْ عَلّمْك : تَكْرَه !

خالد صالح الحربي
شاعر و كاتب
مؤسس

http://www.ab33ad.com/vb/images/cust...avatar92_2.gif

هنا كان السُكوت يْجَدّل النَّبرة ،
مدامك يالكلام العذب : تشبرني .
إذا كانت خيوط الشمس تختبره
أخاف تْغِيب قبل اللّيل يخبرني .

أبَا أسْتعِيرْ من أبْيَض الْوَرْد لُونِهْ
وأبَا أسْتعِير من أبْيَض اللُّونْ عِطْرهْ

لَعَلّي آصَلْ بَعْض مِن بَعْض كُونِهْ
حَتّى لَوْ آوَقِّفْ عَلى ضْفَافْ سَطْرهْ .

****

أبَا أسْتعِير من المَطَر قَلْب و لْسَانْ
و أقول يَاللّهْ جِعْل بالأمْر خِيرَهْ

قِلْت الرّبِيعْ و نَبْت بَالقَلْب سلطَانْ
ومَاتَتْ ثَلاثْ فْصُول غيْظٍ و غِيرهْ

اللّي فَقَدتهْ بِين هَالنّاسْ الإنسَانْ
بَكْ جَابِهْ اللّهْ وأنْت للصِّدْق دِيرَهْ

مَا هُو عَلى شان إنْ / إلا [عَلَى شَانْ]
عُلُوّْ شَانَكْ مَا يْقَايَضْ بغِيرِهْ

*****

يالغايب اللي من أوّل ثانيَة : أبْطَا !
تعال شف هالخفوق مبعثرٍ قَشّهْ !

ماني محاسبك رمشك وش خذا وأعطى
أبيك تلعن أبو هَالقلب و تْحِشّهْ !

****

:
تِجِين نْرَتّب الأحْزَان ،
حِزِن أوّل ، حِزِن ثَانِي ، حِزِن ثَالِثْ ،
حِزِن عَاشِر ، حِزِن مِلْيُون
حِزِن مَا لِه طَعَم أو لَون
حِزِن شَوكَة
حِزِن بالُون .

:

:
تِجِين نْرَتِّب الـْ أفْرَاح
فَرَح أوّل وَ اخِير ..
وْ
بَسّْ !!

:
تِجِين نْرَجّع المَاضي ؟!
تَعَالي نَكْتُب المُسْتَقبَل المَجْهُول / بْصَمْت نْقُول :
أنَا أبْن العَشْرَة وْ أنْتِ طَفِيتي تَاسِع شْمُوعِك / بآخِر اسْبُوعِك ،
تَعَالي نَرْجَع لْحَارِتِك / مَحّارِتِك
هذيك اللي قِبِل عِرْفي لك : اخْتَارِتِك !
بُيُوت الطّين وَ أغنّي لك :
هَيْجَن الشّيح والرّيحانة تْصَلّي
ـــــــ مَيْجَن اللُّوز والنّيرُوز يِتْفَتّح .
لَحْظِةٍ بَعْضي يِتْشَرّه على كِلّي
ـــــــ طِفْلِك الأغْمَض بعينينك الأوضَح

تِجِين نْجَغْرِف التّارِيخ ؟!
تَعَالي نْأرّخ البُكْرَى / تَعَالي نْبَكّر التّارِيخ
تَعَالي نُولَد وْ بَعْد الوِلاَدَة
فِي ثَوَاني : نْ شِ ي خ !!

:
نِجِين نْوَدّع اللُّقْيَا ؟!
تَعَالي نِلْتِقِي مِن دُون أنَامِلْنَا !
نِعِيش اللّحْظَة اللي قبل تَثْمَلْنَا :
تْوَقّف عَقْرب الفَرْقَى
ـــــ وْ تِْشغِلْنَا
بـْ طُمأنِينِة مُوَاصَلْنَا !
تِجِين نْوَدّع اللُّقْيَا ؟!
تَعَالي نْمَارِس التُّقْيَا !

:
مَادَام كَلْمَة : [ مُرّ ] هِي آخِر العُمْر
ـــــــــــــــ وشلون نَلْقَى بآخِر العُمْر ~ رَاحَة ~ !

خالد صالح الحربي

من الـْ..يَوْم اللي رَاحْ بِهْ.
وْ هَـ..المدِينَة [ شَاحْبَهْ ].

كل عام وانت بخير

http://www.bascota.com/up/uploads/136922874616.gif

تلميذك ينصت إليك !

بعد هذا العمر لايزال هذا المتصفح ينبض بالأسودين :" العمق والبساطة " والنوايا البيض