المشاركة الأصلية كتبت بواسطة شـُمـُــــــوْخ (المشاركة 829014)

لولا احتمال اللقا بين الصدف والظروف
عشنا ومتنا ، ودلو آمالنا مايحه

ياسلام عليك يا محمد فرج
ابدعت .. صح لسانك وسلم بنانك ،

المشاركة الأصلية كتبت بواسطة محمد فرج (المشاركة 828800)

صدفه ، ظروف ، الله يديم الصدف والظروف
اللي تسمى بأعراف الهوى سانحه
###
تغني الأحبه عن اللقيا ولمس الكفوف
والنظره الخاطفه والمونه الطايحه
###
نموت نحيا وفينا من الجراح الألوف
ومسبب الجرح مشكور ، الله يسامحه
###
يا صاحبي ما عطينا للغرام الكتوف
إلا على مركب الذكرى وهي رايحه
###
عيت علينا ليالينا وحنا نشوف
والبارحه ، وعنا قلبي من البارحه
###
جا في تعابيرها حده ولون امخطوف
كن البحر تحتها ورياحها جامحه
###
شقا الجُمل تكتبه مترادفات الحروف
اللي تجي بين همزات الوصل سابحه
###
ما يفيد جهد الذي يسعى وهو ما يطوف
واللي تحبه تقرب منِه وصارحه
###
يسعد مسا اللي تبادلني محبه وخوف
والخوف توحي به دلال الرجا الفايحه
###
ريانة الشوق ذقنا من المواجع صنوف
نصبر عليها ونخفيها وهي واضحه
###
انا الضمير الذي على الضمير امعطوف
أجامل الحرف واستجديه وامازحه
###
لولا احتمال اللقا بين الصدف والظروف
عشنا ومتنا ، ودلو آمالنا مايحه

المشاركة الأصلية كتبت بواسطة حمود الحجري (المشاركة 829519)

جميل
هكذا لا تكفي
سأمطها إذا
جميييييييييييييييييييييييييييييييييييييييييييييييي يييييييييييل

بالفعل نص رائع
بل انسكاب رائع
وفاتن