|
أنا ما أعيش معك الحب أعيش الحب كله فيك .. أنا و إن كنت عنك بعيد لكن معك وأحيا بك تعيش بكل أحاسيسي و تفكيري و أعيش أغليك تحسد الحب لو تسمع حديث الروح بـ غيابك تزاحم فــ الخفوق قلوب يسري نبضها بـ يديك أنا كيف أختصر فيك الشعور بــ حضرة أحبابك سكنت أرض الغياب و كل سيره لــ الوفا ترويك عيونك موطن و غربه .. عيونك موطن أغرابك أحبك لو تسافر بي على درب التعب و أمشيك حبيبي في زمان البعد قلبي أصدق أصحابك أحبك جرح ما يبرى عسى بعض الألم يرضيك و لون بــ الرضى عيني و أسيل دمعة عتابك حبيبي في ظلام الشوق كل النور ما يضويك أنا صفحاتك البيضا و أنا أصدق حرف بــ كتابك فرشت العمر لــ أيامك أسابق ليلتي و أجيك و عرفت إن الغلا خطوه و أنا واقف على بابك جفون الغيم لو تمطر دريت إن الثرى ضاميك و دريت إني بــ لا موعد زرعت الحلم بــ أهدابك |
للخفوق الجدب وضلوع الوله عطشانه .................... وللنظر طيف السهاد اللي عثى فـ جفونه وانسكب قطر الندى بـ اوراقه وباغصانه .....................وسال شي ٍ من دفا روح المطر ولحونه خمسة اشهر والشْعر يبخل على قيفانه ......................... ماكتبته والبيوت بحزنها مدفـونه لين جيتي تزرعين الهمسه الرنانّه ....................... فالآذان وتضحكين وضحكتك مجنونه! قلت والدمع آتغصّب نزفه وعصيانه ..................... ارحبي ماقدمك الا ضلوعي المسجونه! ادخلي قلب العذاب وقفّلي بيبانه ..................... واوقظي جرحه ونامي في ظلال غصونه أخذي احلام الجريح ودمعته واحزانه ..................... وامحي الحرمان كله .. واعبثي بجنونه! شاعرك يحرق تناهيده قبل دخانه ....................... ومحترق صدره قبل مايحترق غليونه شاعر ٍ يانوف من روس العرب جدانه ...........................ممتلي تاريخ والتاريخ بين ردونه شاعر ٍ قد المقام .. وقام عالي شانه ...........................وقوّم الدنيا قصايد فيك من مكنونه ارحبي يانوفتي يازهرة الرمانه ........................ ياشذا الجوري وروح معْذبك وعيونه والذي سوّى سواد رموشك الكسلانه .........................ان صوتك فجّر الخافق ودكّ حصونه في وصالك ترقص الدنيا وهي نشوانه ....................... وفي غيابك كنها الدنيا ماهْي مسكونه وّقفي بينك وبينك دامك الولهانه .................... وارجعي لحظة من النسيان واقفي دونه! صوتك احلى عيد قبل العيد يالزعلانه ..................... وقلبك ابيض قلب واطيب قلب يالمزيونه تسكتين وتهمسين وهمستك رنانّه .................. وتضحكين وتضحكين .. وضحكتك مجنونه |
( يامن سكنت اجمل زوايـا كيانـي .......................ياما على نفسي عشانـك تحاملـت) مرات احس انك معي شخص ثانـي .......................ومرات احس انك حبيبي وما زلـت لاتفرح انك دجـت بيـن المحانـي .......................لو ماتخـون الذاكـره مـا تسللـت (( عشان ماضيك الجميل وعشانـي .......................حاول تشيل من الوفا ربع ماشلت)) ((( ماني على خبرك حبيبي ترانـي .......................حتى عن اصغار الاماني تنازلت))) |
بعض الغياب اجمل من حضور غايب غيبي بكيفك .. كان ودك تغيبين جفاف صدري من عقوق السحايب الأرض بور .. ولا طرا لك تحنين شقيتي اضلاعي .. جفاف وهبايب النزف وقّف والجمر شبّ روحين ومابين نزفي واحتراقي.. طلايب وانا بهم عايش وكني .. بصدرين نصي معي نصي معك / وقت خايب من يقسم الخفقة ليا جات قسمين ..؟؟ حيرة طفل ..أو هي .. تفاكير شايب ولا ممالك .. ضيّعوها سلاطين..!! كانت قصور النبض عطف وحبايب كانت .. مداين عشق .. مابين قلبين انهارها .. شوق وعطا .. والركايب تسبح غرام .. وتشـبه النون بالعين كان المطر والأرض صوت القرايب كان الفضا .. معزوفة الجمر والتين وامست قصور العشق همّ وخرايب وش حيلتي ؟ والحلم موت المساكين ليه انتظاري ؟؟ ليه ؟؟ وين الكتايب وين الجيوش بصدرك اللي تقولين ؟؟؟ وين الغرام اللي له سنين ذايب ..؟؟ وين الطموح ؟؟ ووين أسرابنا وين؟؟ ياغاليه .. ما للـغلا من سـبايب وما للجروح إلا .. قبرّ عرض شبرين الجرح .. ينزف بيننا .. والغرايب موت الحقايق .. والعزا شال صـوتين آحس بك صوت وصدى مال سايب ما يملكه غيري ... ولو جا مــلايين وآنا بعد .. ميت من الشوق .. ذايب آحسـني .. طاير .. بليّا جـناحين العمر يمشي ... والمواقف عجايب ياموتر اللحـظات .. يكفيك تـخمين رحّ قلّها / يكفي من الـذل نايب العزّ ..!! أثمن .. من لقا بين أثنين الما بصدري نبض .. ماعاش رايب والحرّ يسطا .. ماسطت بومة البين يابنت روحي .. دربك اليوم ..عايب وانا على المرقاب .. سيد الشياهين فيما مضى .. ذايب / وذايب / وذايب لاتسألين اليوم ... بالله على وين ..؟؟؟؟ |
مثل النهر يابنت ابقى...وتبقيـن
ورد يموت ان جف بعروقه المي |
اضرب على صحبة هل المصلحه X قل سود الله وجه منهو عمرها أمّا صحيّب الطيب بالعكـس بالعكـس هذاك خله في عيونك نظرها |
ويوم اني اسـجّ بيـن ادري .. ومـآ ادري عقب البطا .. جاء يقول : الـدآر وشلونـه قلت انت : دآرك هنا.. وأشٍّر على (صدري) قآل انت : دآرك هنا .. وأشًّرْ على (عيونه) |
ريح ورد وريح ند وريح كاد اجتمع فيهـا وهـام بودهـا لو تهب الريح من يمه وكـاد الفضاء بتعطـره مـن يدّهـا ولو تبسم حركت حتى الجماد والجبال الصم خطـر تهدهـا همسته تجعل من العالم رماد لاهمس بشويش .. لابو جدها الخطر من وقفته بين العبـاد تستحيل الناس تاقف ضدهـا من يكابر وقفته شيك اعتمـاد معتمد ببنـوك ماحـدِ قدهـا لو يصرف كل ماله بزديـاد ترفع اسعار الذهب وتردهـا مترفة والدل زايـد والعنـاد من مزاياها تعب من عدهـا من رموش العين ياليل النكاد من نظرها ماتعـدى حدهـا الغلا والحب منهـا مستفـاد كل هجماته لقى مـن صدهـا بين لين الطرف وعيون الوداد يابيوت الشعر حبـي خدهـا منتهى الامال في موسم حصاد ياقصايد بـاح حبـك سدهـا الفضاء من بعدها ماله بـلاد كان مني يوم يخطـب ودهـا خبروها بالغلا وأن كان عـاد ودهـا والا بعـد مـاودهـا |
| الساعة الآن 04:36 AM |
Powered by vBulletin® Copyright ©2000 - 2025, Jelsoft Enterprises Ltd.