|
: تعال ياقايد نبا نغني على الطرق الطويل اللي يبي له قافية .. إن ماحصل له قافية ، لا بارك الله بالغنا حتى لو إنّه موصلي عافت يقول إنّه يشوف الأرض قبل اربع طعش عامٍ تِمَشّى حافية .. وأنا عرفت أنّه كذوبٍ هيلقي حتى اجمله ما له علاقة باجملي . 🌹 |
: : يامرحبا … جيتك بعد ... ما طِفْت انا كل البحور … اللي دررها طافية ….. ما عاد نحتاج "العمُق " ما دام سنّارة معانيننا تجيب الممتلي من صار بعضه ضد بعضه مايشوف مْن السما الا النجوم "الطافية" ….. وانا معلمني ابوي … ان الكذوب يطيح قدْرَه لوّ نجمه معتلي |
: فيك البقى ؛ ياللي بقى من ذكرياتك مايشابه للعباة الدافية .. يوم الشتا خيّم على سبع الأراضي والدّهَر ياصاح عيّا ينجلي لولا " نعم " ماكان للاءات قيمة شوف " لاء الناهية والنافية " .. حتّى الـ نّعَم " تصبح " نِعِم " في حال وإلا حال ما تسوى لها ليّة طلي. 🌹 |
: سلام " رديّة شمالية " على طرق الجنوب .. . ترقى على راس الجبل وتحوّل اللي بقمّته يالله عسى عمرك يا ابن موسى كما عمر الهبوب .. . في جاه ووجَاه الرسول اللي شفيع لـ أمّته. 🌹 |
قرأت ياسيّد الجمال وسأرد بإذن الله .. لحينها هاك ♥
|
اقتباس:
يامرحبا ياسيّد الشعر الشمالي والطروب _ ترحيبةٍ تشبه كريم الأصل وايدك ضمّته ! ياجعل مثلك للشروق اللي بلا موعد غروب _ خابرك موطن للوفاء .. والشعر لك في ذمته" |
اقتباس:
: فيك البقى ؛ واقرِب كما المذنب ليا عزّم يتوب .. . الآدمي ثلثين من " هَمّه " يجي من هِمّته. أبا أنشدك عن موطنٍ لَمّ الرعايا والشعوب .. . لكنّهم " تنكّروا " يوم ارتووا من جمّته ! 🌹 |
| الساعة الآن 08:45 AM |
Powered by vBulletin® Copyright ©2000 - 2025, Jelsoft Enterprises Ltd.