|
يا نور .. بعض الشقا .. شوفيه في عيني والبعض الآخر .. أحب الناس يقرونه يا نور .. من يشعل الظلما .. يطفيني وجه ٍ سقيته عذابي .. وإختلف لونه أقصي مدى يستفز الجرح .. طاويني ما دام للدرب دمع .. وناس يبكونه آنا أسقي الهم .. ولاّ الهم يسقيني الظاهر إنى .. فقدت الصمت وفنونه وش يعنى الدمْ .. لآبو دمْ حاويني وش يعنى الغبنْ .. لآبو ناس مغبونه يا ليت جرح ٍ يذكّرني .. ينسّيني ياليت حتى الزمن .. يمشى على هونه يا نور .. كل الدروب الميته فيني لا تفزعي .. ليا كتبت أبيات مجنونه ما ينبش الدمع .. غير الوقت من عينى شاعر يبث الوجع .. والناس يقرونه http://ro7elb7r.jeeran.com/ثَغْرٍ%20الوٍُرٍٍدِ.gif |
يامنوةالمشتاق في سـر وأجهـار أنت الذي بالزين محد(ن) خشيرك شفت العبير اللي تفوٌح بالازهـار كنٌه يغار من الحلا فـي عبيـرك (( لامانقص قدرك من الحب مقدار ومازاد لنٌه يشتكي من كثيـرك )) خلٌك معي بالدرب نمشي بمشوار تعيش فيني وأنتشي في ضميـرك http://ro7elb7r.jeeran.com/ثَغْرٍ%20الوٍُرٍٍدِ.gif |
ياناشـدٍ عنـي تـرى مانـي بخـيـر من صرخةٍ بالعمر عالـي صداهـا اونس بقلبـي مثـل دق المساميـر مـن واهـجٍ بالقلـب حالـي بـراهـا هـمٍ يكسـر خافـي الـروح تكسيـر هـمٍ جـرح قلبـي وكـبـدي كـواهـا هـمٍ خـذا عقـلـي بكـثـر التفاكـيـر والروح من همـي صعيـبٍ دواهـا بالبال اصور فرحة العمر تصوير واثـر الخيـال اللـي بعقلـي بناهـا اثرالسعادة والحزن طعمهم غيـر عندي تسـاوى مرهـا مـع حلاهـا ما جابني صوبك ياكود المقاديـر ارجـوك نفسـي لا تخيـب رجـاهـا http://ro7elb7r.jeeran.com/ثَغْرٍ%20الوٍُرٍٍدِ.gif |
بكتله عيون وجفـت الارض والازهـار بكالـه ثمـر بابـل وبكـاه بغصـونـه وانا في طريقي للوطن جيت يالاسفـار اجدد عهودي واوفـي العهـد واخونـه امـرر علومـي للمـلا وانشرالاخبـار اسايرخيالي وارجـي الغيـم ومزونـه ابسئل عيوني بالخفا وانشده وش صـار واقول اذكـري دام المخاليـق ينسونـه رحيل المعزه يتبعه شجـب واستنكـار عليها سيوف مـن الخطابـات مسنونـه http://ro7elb7r.jeeran.com/ثَغْرٍ%20الوٍُرٍٍدِ.gif |
تعالي يافديتك لايهمك هـرج قيـل وقـال <<<<<< تعالي يابعد روح القصيد وخاطري سله تعالي وارمي الحزن الثقيل بداخل الرجال >>>>>>فديت المحجرين اللي من الدمعات مبتله تعالي ماعليك من البشر واللي رماه الفـال >>>>>>مدام انك كذا رووعه ونطقك يبري العله تعالي لعنبو حيك تعبنا من شتـات الحـال" <<<<<<انا ماني على بعضي وعقلي صايبه خله بعد ذاك اللقا اللي جمعنا من ثـلاث ليـال <<<<<<وانا لاغمضت عيني ولا الجفن السهر ملـه تعالي دام صدر الرجل صندوقٍ عليه اقفال <<<<<<عليك الله وامانه مايجيك من الرجل زلـه تعالي قبل مايطيح العزيز وتضحك العـذال >>>>>>فديت المحجرين اللي من الدمعات مبتلـه http://ro7elb7r.jeeran.com/ثَغْرٍ%20الوٍُرٍٍدِ.gif |
رحلت و..لا رحل ..صمت ٍ.. يضج أبداخلي بدموع رحلت ..وما بقى نبـض ٍ عليـك اليـوم عزانـي * رحلت. وين أنا ما ارحل أشوفك بالنظـر مـزروع وفاء حبك.. غلا طيفك ..وهمس ٍ ناعـم ٍ ..دانـي * رحلت ..بكل ها الدنيا رحيل ٍ ..ما سكنـه ارجـوع قريتك في وجيـه النـاس ..دفاتر..فيـك تقرانـي * http://ro7elb7r.jeeran.com/ثَغْرٍ%20الوٍُرٍٍدِ.gif |
رحلت ..ودنيتي بعدك هجير ..مع هلع.. مع جـوع أنيـن / وآه / باسبابـك /أسـى قاسـي تغطانـي * ذبل جسم الفرح واجتاح سنبل بسمتـي مصـروع وفي آخـر حـدود الليـل ..كلانـا يشبـه الثانـي * يناديني غلا طيفك ..وأنـادي لـه وفـاء مجمـوع يعزينـي.. يواسينـي .. ويلملـم هـم ٍ أعيـانـي * على موعد لقانا بك.. أخذني لـك ولـه واشمـوع رسايل حب ..وانامل شوق.. وليل فيـك خاوانـي http://ro7elb7r.jeeran.com/ثَغْرٍ%20الوٍُرٍٍدِ.gif |
مشيت.. ولا مشيت..الا سبقنـي خافـق ٍ منـزوع وقفت ..ولا وقفت ..الا ثـراك .. بجـرح ينعانـي * وطاح القلب.. في قبرك.. يقبـل ذكـرك المرفـوع وبل الطين ..وهل الملح ..و تغلغل داخل أشجانـي * دعيت ..ولا دعاني لك ..سوى إحساسي المفجـوع وحب مـا يمـوت.. الا وربـي.. حـي واحيانـي * ونبت جذر الوصال.. وصال.. سنين بغربتي مقطوع غرق جذع الكلام ومـال.. بـوح ٍ منكسـر حانـي http://ro7elb7r.jeeran.com/ثَغْرٍ%20الوٍُرٍٍدِ.gif |
| الساعة الآن 02:39 AM |
Powered by vBulletin® Copyright ©2000 - 2024, Jelsoft Enterprises Ltd.