اليوم هذا غير / عن كل الأيام
خذتني الذكرى .. وسجلت ذكراه

مرت سنة .. كل ليلة انسج بها أحلام
واليوم حلمي / ليتني قادر أنساه !

كنك بعيد / ادري بك / من اقرب الناس
اقراك / واعرف كل قصة حياتك !!

اي والله ادري بك / وعندي بك احساس
والكلمة االي ناشبة فيه لهاتك !!!

ايه انعشيني بالجنون وتعالي
باسلوبك اللي يكتشف لك جنوني

ياحلو تعييرك علي في هبالي
لا يابعد كل الذي عيروني

واليا سألتي وش لقيت ب / دلالي
اقول بعضه / منه تبرا طعوني

واليا سألتي / وش تقول بجمالي ؟
اقول بعض البعض يكحل عيوني

مصدقك .. لاتفسرين اختلافي !
نفس الكلام اقوله انتي بعد غير !

وازديك اكثر لو اقول اعترافي
متميزة حتى ب / تصبح على خير

مدري وش احس به :)
 

قالت ترفق / ترى طقك بميت حرام
اجيك بعْتاب / ويجنني اسلوبك !!

أجيك ب/ ذنوبك وتقلب علي الكلام
وارد مالي سوا / الاعجاب بذنوبك !

أحاول امشي معك على رتوش ونظام
والقى التفاصيل ضاعت في طرف ثوبك

اشوف باحساسها نسخة من احساسي
والله مدري من اللي سارق الثاني ؟

قطعت فيك حبال كل الرجاوي
الا الرجا في / موقفٍ تذكرينه

لعله اكبر من جميع الهقاوي
اليا لذع قلبك ولبى / حنينه

حتى رسول الحب مل الدعاوي
كل يوم عذر وباكر تغيرينه

ماعاد ادور من وراه الحراوي
بالياس / مابه شي بيني وبينه

فديته اللي لحالي مايخليني
كل ما نويت الزعل عليه ما امداني

ماجا ولا جيت اسليه ويسليني
لكن نفس الذي ناداه ناداني