: شكرًا فيصل خالد .. لأن المحاورة معك درس لمثلي ؛ سعدت وطربت والله والشكر موصولٌ للمتابعين قراءةً ؛ وللجميل صالح على تعليقه وتحليقه معنا . 🌹 |
الأستاذ / خالد صالح الحربي تواضعت عُلواً يا سمو تلميذك / فيصل |
: تعال بالله يا " وديع الأحمدي " أنا مَدِي وأنته بعد برضُه مدي بساطكم ياطاه حتى السرمدي .. .. . واللي عقد روس الحبال يحلّها. أرحِب على بساطي وأنا بساطي بسيطي .. . " مايسّر الله" تاجده ؛.. . ويطيب كيفك . " لساني مهذّب ".. لو لسانك سليطي . .. . معي ثلاث فصول ؛ وأنته هات صيفك! 😌 🌹 |
: تعال ياتركي.. مادام الله قلَع عنّا وديع . .. . ماعادني في حاجة بساطه ..؛ ولا " إطلالته ". في خاطري موضوع خايف ياعميلي لا يضيع .. . ضحيّته " فارٍ " .. نبا نحدّه.. على حبّالته ! 🌹 |
الفار عاشق لـ الجبن ذوّيق لكنه وضيع … به سد عازه لـ الخراب اللي يعدّل حالته كثير يشبه له ويشري من صفاته / ما يبيع … قرابةٍ / ما تدري لـ عمّته و إلاّ خالته |
: شف حكمة اللي ماخلق إلا البديع من البديع .. يقنعك لا منّك لقيت اللي " وفي " لسلالته ! الفار لو ينظف مرِض؛ ويضيق من كونٍ وسيع .. "حكمة إلهيّة" على ميزان .. ماهي فالته. 🌹 |
نبي نرجّعها كذا لـ اللي ركب خط السريع … اللي تناسب له جحور الساس قبل ازالته من راس ذيله لـ الشنب واللي بقى منه شنيع … مافيه شي ٍ يشبهه وحيد في حصّالته |
راااائعون وأكثر ..
|
الساعة الآن 07:12 AM |
Powered by vBulletin® Copyright ©2000 - 2024, Jelsoft Enterprises Ltd.