|
لبيّه كلّه .. ولبّـا البعـض .. والدونـي لبيّه مـن هامتـه .. ليـا حـد خلخالـه لبيّـه يالمستـه .. ومصافـح شجونـي لبيّـه يافزعتـه .. فـي فـزّة جفـالـه لبيّـه ياخثرتـه .. تنشدنـي شلـونـي؟ لبيّه ياسجّتـه .. ليـا عـضّ سلسالـه ليا قال لي: (ويش حالك ) قلت : ياعوني يلعن ثوى الحب .. يلعـن جدّهـا حالـه أن جيت اباأضحك ..حظوظي فيك بكونـي وإن قلت ابانسى غرامك .. أتعنـى لـه!! ويضحك .. وأنا أنشد عيوني وأنشد جفوني من شاف لول الثمان..؟؟وبارق هلاله؟؟!! في ضحكته .. يرجـع الديّـان مديونـي وفي فرحته .. من غنجه يداعب ضلالـه وبعتابه .. يجيك مخطي قـال : خطّونـي واليا زعل .. تقـلْ طفـلٍ ضيّـع ريالـه تكفـون لا سـجّ قلبـي عنـه خلونـي في سجّتـي عنـه .. لا ذاكـر ولا دالـه |
ابطى .. وخلّى سؤال ٍ يلهث بفكري مادري يصون الغلا ؟ .. مادري هو يخونه؟ ويوم اني اسجّ بين ادري .. وما ادري عقب البطا .. جاء يقول : الدار وشلـونه قلت انت : دارك هنا.. واْشِر على صدري قال انت : دارك هنا .. واَشّر على عيونه |
ثلاثينـي تعـدّت والهقـاوي خانهـا التعبـيـر انّوخ هقوتـي تـاره ... وأشـد ركابهـا تـاره انوّخها واشّـد ركابهـا .. وبعيـر بأثـر بعيـر واشوف الوقت يطحنّـي رحـاه بجايـر اقـداره وابوي يقول .. قدّر .. كلّ شي بها لزمن تقديـر ترى من هدّ داره ... قلّ عنـد النـاس مقـداره يابوك الحرّ حـرٍّ والعصيفيـر اسمـه عصيفيـر وانـا خابـرك حـرٍّ تفهـم المقصـود بإشـاره ترى طير الرخم يابوك ماهو من حـرار الطيـر ولو يعجبك في حومه .. وجنحانـه .. ومنقـاره ولو جاك من اعاصير الزمان المر( شبه اعصير) ترفّع خل عنـك هـروج ابـو نـواس واخبـاره |
بسيطه ياذنوبـي لـو تخونـك شرهـة التكفيـر عسى ضيم السنين اللي مضـت بالعمـر كفـاره ثلاثيني تعدت ... حلم .. ماحصّلـت لـه تفسيـر انّوخ هقوتـي تـاره ... وأشـد ركابهـا تـاره |
علـم اللـي طـاح مابيـن المغـيـره .. والمثـنـا ان سلم سيـف المثنّـا ... ماسلـم سيـف المغيـره يحسب انه يلحق ( منيـره ) وهـو يلحـق ( مهنـا) الخبل يلحق ( مهنا ) يحسب ( مهنا ) ... ( منيـره ) |
دخيل السلهمة والنون ذاك اللي وقـف حيـران حياوي 00 والخجل يمنعه من لد النظـر فيـه دخيل الرمش يوم أسدل ستاره وأجهد الأجفـان على شمس الوجون وضعت بين الشمس والفيه دخيل أعذب ثمان ينتشي ببروقهـا العطشـان إلى من ناض بارقها وطـاح بصـدر وسميـه دخيل النرجس اللي مغرسه في روضة الاوجان على نهر الندى من كُثر ما هو مرتـوي تيـه دخيل الجمرتين اللي خذاها الثلج 00 بالأحضان (عساني ما أعدمك )يا مبسمٍ ما شاقنـي زيـه دخيل النقش برخام الكفوف ونزعـة الألـوان تمد 00 مسلّمه غير أفضحتني رعشـة ايديـه دخيل الخصر وحزام الذهب لفـه تقـل ثعبـان والى منه تثنى قمت أصوّت (لا رحـم حيـه ) |
لا طروا " إسمك " تأكّد ،، كل خيرٍ آتمنى ..! يكفي إنّي لا ذكرتك .. هزّني ( مليووون ) طاري ..! |
عشقتك بسكات |
| الساعة الآن 10:59 AM |
Powered by vBulletin® Copyright ©2000 - 2025, Jelsoft Enterprises Ltd.