|
_ _______ _ إنتي آخر مااخافه .. وأنتي أول .. أرتجافه ! لو طعنّي الكون كلّه أنتي سيفي .. اللي أسلّه ! ياحلو جرحك .. أبيه ! بس هيّ تقوى .. يديه ؟ يابعد .. كل الوجيه .. عشت هالدنيا .. غريب ماهو فارق .. لو أغيب ! بس تدرين .. المعيب ؟ لو هي طعنه .. من حبيب ! |
- قلّ عن الشعر المُجغرف : كل هالأسماء : تغرِف ! كنت ياما كنت : أعزف لين هالنوتات : تنزف ! لاتعلّم - منهو علّم ! هو بهذا النزف : أعلَم ! ياحبيبي وأنت حرفي وأنت والله كِل نصفي كيف ظِلّك - ماهو ظِلي ؟ وأنت ماتحتاج شمس ! لا ولا يخفيك .. لمس ! فالشروق - وفالغروب تعبر بكل الدروب ! كيف ماشافوك : وحدك أنت وحدك بسّ : قدّك ! ماني ندّك ، نختلف ! أنت وحدك ندّ ندّك ! هذا وانت اللي قيامك وحده يساوي مقامك ! لو عليّ .. أربك .. بلد ! بس قلّي : فيه أحد ؟ |
_ من أعادي ؟ كيف أحارب ؟ وأنتي روحي اللي ألمها جزء من روحي لـ روحي ! يعني حتى لو أبقسى كيف هذا الشي يُنسى ؟ كيف أرد الجرح .. جرح ؟ والله اني قبلك .. أنزف ! أكثر الأشياء .. "ذنب " لاطعنت .. اللي " تحب !" كيف أفهمك " الوفاء " ؟ في زمن .. كِله رياء ! |
- الإهداء لعبدالله زنان .. قل للجبال اللي على مفرق السيل __ أنا جبل ثابت يُدّل .. بمكانه ! أمّا كذا والا ترى الوقت للميل ! __ وإن مال " نثبَت " شامخين برزانه ياسيّد الغيمه ويا .. كل ماقيل ! __ ومابعد ينقال .. مثلك تكانه علمتنا أنّ الطِيب ماهو فناجيل __ والا ترى الصبّاب شيخ لزمانه أو هو سفيه يلّم بعض المهابيل __ بين الرخوم يرائي بذبح ضانه ! الطيب قِبلَة في وجوه الرجاجيل! __ واذا الحكي عنّك فيَا كُبر شانه تبقى المراجل فعل قبل المداهيل __ وإذا عن المدهال صدرك " كِنانه " ! لو أفترض : كتفك بها تركض الخيل! __ قل للذي راهنك ، يسحب رهانه |
عن الوطن : _ أنت مايكفيك شِعر أنت شعر وأنت عطر أنت كائن - ماأنت أرض أنت أهل وإنت عِرض ! أنت موطن ؟ بس موطن ؟ أنت أكبر - أنت أعظم يابلد .. تكفي بلد ؟ أنت أبوي وأنت أمي والولد .. أنت كنزي .. وراس مالي ! وأنت حبّي اللي ورثته .. وأورثه بعدي : عيالي ! يابلد أم القرى .. أنت من عينك : نرى حتّى حكامك : ملوك ماهو حيّ الله .. ملوك هذا أبوك .. وهذا أخوك ماحصل يوم .. خذلوك كثر ماهم .. كرّموك .. كثر ماهم .. يرفعوك من سواعدهم : بنوك من يساومنا عليك ؟ نبتر إيده : مايجيك " السعودي مايخاف " قالها محمد .. وناف كلمتين بلا خلاف .. مابها حتّى أختلاف .. |
- كان في هالشمس شمسٍ من غضب __ غيمتين من الرضا .. ثِم تنسدل لين تمطر أرض صدرك ، وتْعشب __ ياللي أسمك منه رسمك يستدل ! سامحي الأزهار لو صارت قصب ! __ هو لهذا الناي عزف ٍ معتدل ؟ ياللي رمشك ينزف البارح عتب ! __ كيف شِعري منه شَعرك ينجدل ؟ |
_ أزِف الرحيل .. |
_ شفت كل الناس تبكي قلت ابكي شفت كل الناس تجرح م اعرف اجرح قبلهم والله .. أنزف ! شفت كل الناس تظلم قلت اعفي مااتركوني! شوهوا حتى يديني.. مزقوا .. سطري وحبري ! قمت ألملم مابقى لي ! درت وجهي .. وقلت : أمشي ! |
| الساعة الآن 04:24 PM |
Powered by vBulletin® Copyright ©2000 - 2024, Jelsoft Enterprises Ltd.