" ترانيم والكل بموت حبي معازيم " [الأرشيف]

علي المحمد

03-29-2007, 03:13 AM

غاب وجهه من زمان
فى ذاك النهار
وما عاد يذكر دمعك المحبوس
حد الانفجار ...

وتحدرت من عيونه دموع..
يذكر انك في يوم سألتيه عنها!!!
وانه اعلن لك خضوع..

ضحكته تفنى
حتى لو جلجلت
في صدى ذاك المكان..
يرجع هنا
لبيت المواجع
يحلم بك ويضوي لك شموع..

نزف..
من كف..
تكتب على هام السحابه بقـا
وترسم على الأطلال أسرار خوف..
قلبٍ يشوف المحبه لقـا
وقلب من اللهفه والشوق إمخطوف..
جيت أشم العطر وانعم بالشذا
لقيت دمعي يكتبني بحروف..

ويمرك "المجنون" اللي نسو وجهه
ويقول..
أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض إغبار .. ذكرى
أرفض .. يكون الإنتظار .. بكرا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار

"مجنون" وللاسف نسو وجهه
يمكن مر من هنا اويمكن لقى حتفه..
كتب للمحبوب كلمه
تحكي عن شي في قلبه..
تعبر له عن عناه وعن اشواقه
وليلٍ طال بالغربه وطوًل إعناقه..
وعلى كفوف الريح ارسلها..
خوف ورجاء ونفسٍ على المحبوب ولها..

وكان نص الرساله..

والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبحترق بدفا
بعيونك التحنان بعيونك المنفى
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل بــاب..
له حارســـين..
بــــرد وسحــــاب..

علي المحمد

03-29-2007, 10:01 PM

مريت
وفي احضان المكان ارتميت
نفس الوجيه
نفس اللي يعزف الحان الحب في صدري
معه قيتار
مر الزمان وشاب
معطفه أسود مثل الزمان أغبر
وكسى راسه شيب لونه مال للفضي

تذكرت حب مات
وورد شوك أغصانه جرح يدِي
هنا وقف نادل
وهنا عشنا حلمنا الوردي

بيدي صفحة بيضاء
وحبرٍ ينزف أشواقي ونوحي وسهدي

وقمت أنادي
حلمٍ مات وتاه بعنادي

مدري من مين الخطا
ومن اللي قصر بالعطا

والنهايه..

راحت ولاعلمتني
حتى ولا كلمتني
وبيدينها للعذاب
وللسهر سلمتني

يعني نست من اكون
او كيف حالي بيكون
عشان بس تعرفون
شقد هي ضالمتني

راحت وانا اسأل وراها
ودموعي عيني تهل
معقول للحد هذا
انا فراقي سهل

ماتدري اني ابيها
قلبي تعود عليها
وعشت مخدوع فيها
لين ماألمتني
راحت وماعلمتني

لو قلت بندم أحس حرام فيها الندم
لأني ماشفت منها غير التعب والألم

وان كان هذا جزايا
على جروحي وعنايا
ببعد وربي معايا
وانسى انها عذبتني
راحت وماعلمتني..

علي المحمد

03-31-2007, 05:53 AM

http://www.l22l.com/l22l-up-1/dac80658af.jpg

أرسم حسن وجهك..
وسط غيمه بالسماء سوداء
وانتظرها تفيض..بمطر

http://www.l22l.com/l22l-up-1/dac80658af.jpg

وانا تحت دمعك
مدري دمع السحابه
أحتضر..

http://www.l22l.com/l22l-up-1/dac80658af.jpg

انتظر..
متبعثرٍ كلي
ومجافيني الصبر..

http://www.l22l.com/l22l-up-1/dac80658af.jpg

حزين..
وهمي تجين..
أشوف وجهك في سحابه...
شموخ وكله مهابه...
أضـم دمعاتك وتسحرني نظرتك..
تحت المطر واقف انتظر رجعتك..

http://www.l22l.com/l22l-up-1/dac80658af.jpg

وجهك المحبوب..
أتخيله بين الدروب..
أتخيله بأحضان السحابه...
بنت الملوك "شيخةٍ" كلك عز ومهابه...

علي المحمد

03-31-2007, 05:07 PM

أقبلت تبكي حزينه..
تلوم اللي حبته وتدينه..
تردد تقول..
وبكل ذهول..

ياللي من الله ماتخاف
بكل بساطه..دعوة زفاف!!
ترسلها لي بسمي أنا
متصور تعيشني بهنا..

دعوه وباقه من الزهور..
وتقول فيها بكل سرور..
بحظوركم يتم الفرح
حالي مثل حال الحظور..

قول انها غلطة قلم..
خلصني من هذا الألم..
يعني الخبر هذا أكيد
وإلا تشابه بالإسم..!!

بس هذا اسمك واسمها..
مكتوبه لك وانتا لها..
يعني انت ماتمزح معاي..
والحفله قرب يومها..

هذا اللي بيديها انكتب..
مسكينه مضنيها التعب..
حلمها أصبح سراب وماعلى الدنيا عتب..

حطم مشاعرها وراح..
ولدموع البريئه استباح..
بزعمه بيريحها كثير ...
وللأسف زاد الجراح..

هذي كل الحكايه..
من البدايه للنهايه..
راح وتركها لجرحها..
متألمه ناسيه فرحها..

مسكينه..
صارت لوحدتها سجينه
مسكينه..
تبكيها أرجاء المدينــه
حزينــه..
حزينــه..
حزينــه..
يحاصرها الجفاف..
والسبب دعوة زفاف..

نـــادم

علي المحمد

04-02-2007, 01:52 PM

http://6rbtop.com/downram.php?song_id=16069&type=au&q=hi

واقف على الشرفه
انتظر..
والشوق وده ينتحر..

صبحني على طلوع النور
"عصــفور"
لونه "أبيض" يفرد الجنحان
مســـرور

سألني منت ذاك الأولاني
اشوفك حزين و بعيونك أماني

خذت قلبك "باشة الحور"
مسكين يانادم
ياقلبــها المغرور

تحتريها
تحتري يمك تقبل خطاويها
ودك تجيك...
وانت لاجيتها بشوق مقبل
قلبك الخواف يجفل
وترجع تحتريها...

سميتها "عطر الليل"
وأنت ليلك ألم قاسي مابه عطر..
سميتها "بنت النور"
وأنت مالك وهج وانفاسك تحتظر..

تحتريها
يمكن تجيك أو ماتجيك
تنتظر بس تنتظر ...
على الشرفه ..
وشوقك سبق موتك منتحر ...

انتهى كلامه وطار
وانا على موعد وانتظار
مع ليل مابه عطر و "رحيل النهار"

وبعد ماالدمع سـال
غنى "القيثــارهـ" طـلال

بإختصار
أنا قلبي مل الانتظار
ومليت من لون السهر
وعيني تبي نور النـــهار
ابرحل يم الأمــل
يمك..
بإختصــار
قلبي مل الانتظار

بإختصار
تعبت خطاي من الوقوف وأنا أنتظر
ضمن البشر
بين الصفـــوف
وأغمض عيوني عن الحقيقه
وأعتذر بالظروف
أبرحل يم الأمـــل
يمك..
بإختصار
قلبي مل الانتظار

بإختصار
أنا مليت من الغروب
والنهايات الحزينه وإختلاف الدروب
والصبر في وادي الضما ودمع القلوب
بإختصار
أنا قلبي مل الانتظار

نــــــادم

علي المحمد

04-03-2007, 10:27 AM

هارب ...
كل شي هنا يذكرني بسجاني
الشوارع والبحر
الحدايق والزهر
محلات الهدايا
كل الأماكن هنا كل الزوايا
تخنق هواي
بقيود صنعها من دمر كياني

هارب...
وانا كلي اماني
اني انساه
اني لولحظه اسلاه
اني ما أتنفس هواه
والمشكله انه هنا موجود بين المحاني

مدينه مليت فيها الجلوس
مازادتني الا ضيم ووجهٍ عبوس

غادرتها مشتاق لذيك المعالم
بداية الخط السريع توصل بالسلامه يانادم

وانا بطريقي للعاصمه
جرحي رميته وقلت لين ارجع بصير مخاصمه

صوت فيروز
هـذي العجوز
من عرفت الحب وأنا أحبها
تطفي النار بعد ماسجاني يشبها
رفيقتي بالسفر
سلوة احزاني في وحشة ظلام الليل وغياب القمر
ياما سامرتني بصوتها الشادي على شط وامواج البحر

ماعلينا
الحين ابتدينا
غنت وانا هايم
وصحت فيني أمل نايم

بكتب اسمك ياحبيبي
عالحور العتيء
بتكتب اسمي ياحبيبي عرمل الطريء
بكرى
بتشتي الدنيي
على الاصص لمجرَحه
بيبئى اسمك ياحبيبي
واسمي بينمحى
بحكي عنك ياحبيبي لأهالي الحي
بتحكي عني ياحبيبي لنبعة المي
ولما بيدور السهر
تحت إناديل المساء
بيحكو عنك ياحبيبي وأنا بتنسى
وهديتني ورده
فرجيتها لصحابي
خبيتها بكتابي
زرعتها عالمخده
أهديتك مزهريه
لاكنت تداريها
ولاتعتني فيها
فضاعت لهديه
بتئلي بتحبني
مابتعرف اديش
مازالك بتحبني
ليش دخلك ليش

جاني اتصال
رفعت الجوال
وطيت الصوت
من الفرحه قبل ارد قلت احبك موووت
هذي امي
هذي تاج راسي وقلبي ودمي
مساء الخير يايمه
لك وحشةٍ مايستوعبها الفضاء ولا الكواكب وهي متشتته ماهي ملتمه
شخبار أبوي وخواتي
شخبارك انتي ياغناتي
يمه وحشتني ريحة البيت
تراني ادعي لكم في سجودي اذا صليت

بضحكةٍ نستني جروحي
قالت هلا بضناي هلا بروح روحي
بتنور الدار ياولدي
ياقطعه خذوها من اجسدي
لاتسرع فديتك
وانتبه للطريق ترى ماحبيت احد كثر ماحبيتك

تحت امرك ياغلاي
يانور وضَاح في ارضي وسماي

يمه مادورتي لي زوجه ترى ياميمتي مليت!!!
بنت الحلال لقيناها ومعلمتك من أول يوووه ياوليدي ياسرعك نسيت

بسرعة الهارب من الموت
غيرت الموضوع واختنق فيني مليون صوت

يمه وش طبختي لي اليوم ترى لين الحين مادريت ؟؟؟
غدانا الطباخ اللي تحبه بتعرف وش مسوية لك اذا جيت..

مع السلامه يا ولدي
مع السلامه يا بعدي

بكيت...
ورحمة امي
اللي شايله همي
همها اتزوج وتشوف اعيالي
وانا اتبعك يا سبة اهبالي

هو قيدك بيديني سحـر
والا اللي سحرني عيونك يا سجاني
هو انا مفتون بعطـــر
والا جنون الحب عن فرقاك اعماني
هو انت ودك انتحــر
فك القيد وارحل ترى امي بسبابك اتعاني

وصلت للعاصمه
لاجرحك رميته ولاني مخاصمه
انت فيني وادري انك ما تبيني
عسى الفرح عقب جورك و فرقاك يحلق في سماي ويستعمر سنيني

نـــادم

علي المحمد

04-04-2007, 12:45 AM

تبي تروح لغيري ياسبة عناي
انت حر وخصيم نفسك!!
بس حط في بالك ياهواي
اناعلى حطت ايدك وغرسك

ياعزتي لي
وياحسرتي وياشقاي
بتروح في عالمك هايم
وبتخليني اعيش باقي العمر نادم..

انتهى كلامي..
وغاب صوته..
ومات سمعي..
والدمع حارق..
ياطول ليل المفارق..
الجو في كل الدروب خانق..!!
أحس الروح تتبع قدرها ومخوفها المعانق..

الساعه عقاربها تدور..
والأرض جدبا مافيها زهور..
زهره سقيتها بكف يمناي
وقطفها غيري وانامالي عذر ولاني معذور..
حذروني ان الشوك بأغصان الحلو الغدور..

شوكة ماآذت يدي..
ولاهي لامست شي بجسدي..
انغرست هنا بين الضلوع..
في اضعف مكان..
في بيت الحنان..
اللي ضيفته فيه وقلت
مكانك هنا ياسيدي..

آآآهـ وين أهرب من واقعي
اركب سيارتي وكيف ماتجي الأمور تجي...؟؟

في ليلةٍ قمرا..
والبرد جلاد..
والمصير ابعاد..
ودفى الروح مخلف الميعاد..

رجفة ايدين..
ودموع تحرق صافي وجنتين..
وقلب مكلوم..
كواه حلمه بنار البين..
اعتليت المركبه
وبدا المشوار
وكنت "نادم" !!

شايل جروحي
على جادة طريق
وسحبت لي أقرب شريط
وبدى القيثارهـ
وبصوت هــــادي
يقول:
مقادير ياقلب العنا مقادير
مقادير وش ذنبي أنامقادير
مقادير وتمضي حياتي
مشاوير
واتمنى الهنى
مقادير

وصلت لمدفن الحب..
وصلت للي ماتمنيته يصير..
هنا من هذا المكان..
بيمسك يدها وبياخذها وتروح..
هنا بينتهي كل الطموح..
هنا بجفف دمعتي..
هنا نهاية قصتي..

اليوم يزفونك عليه..
ياشقى قلبي على شي بيجيه..

صوت الزغاريد..
وأحلامي تبيد..
صوت الأغاني والطبول..
وانا متملكني الحزن عرض وطول..

يارب تفرجها علي..
يارب تقويني شوي..
ابي اشوفها بفستان الزواج!!
بس بتخيل اني زوجها وانها حلالي و لي..

بعد طول انتظار
وبعد ماعشت المعمه
زفوها معه
طلعت وهي ماسكه يده
وانا اطالع من بعيد
ضكت بصدري عبرة وله
ووطيت راسي العنيد
وعدت الشريط من أوله
مقادير ياقلب العنا مقادير

الدمع ماوقف سكيب
ورجعت "نادم"
"نادم" على حظي الردي
"نادم" على قلبي الوفــي
اللي خانه أغلى حبيب

تعديت (الدوحه) و (الخبر)
فوق "الجسر"
وقف المحزون
تحته بحر
وده ينتحر
وده قبل الشروق يموت
واعتبرها الفرصه اللي حرااام تفوووت..
وصاح فيه ضمير الحق والإيمان..
والخوف من ربه الرحمــن..
(أمك) مالها غيرك تنتظر..
وانت تحاول تنتحر..

ارجع وربك يفرجها عليك..
""اكيد بتلاقي من يحبك""..
((مايبيعك يشتريك))..
لميت نفسي وقمت راجع..
أضم في جوفي مواجع..
الوجه الثاني من الشريط ابتدا..
والحزن فيني ماانتها..
صوت ((خالد)) يغني ويقول..
موااادع
وكم خلن قال بعد فرقاه راجع..
موااادع
وكل خل جاك يجيه وقت ويوادع..
ومثـــل الغريب لفيت الشــــــوارع...

عند الاشاره..
وقفت سياره..
فيها كل مظاهر التمدن والحضاره..
هذي سيارة العريس!!
وهذي "ليلاك" جنبه يا "قيس" ..
تشوف قد ايش فرحانه..
وانت بعت عشانها الغالي والنفيس..
آآآهـ يالحظ التعيس...

إلتفت أطالع يمين..
شدني منظر حزين..
شاب يذرف دمعتين..
على أنغام
(((ودعت جرحك)))..

ودعت جرحك للأبد
ودعت جرحك
مالك غلا عندي أبد
ودعت جرحك
كنت ألقى في قربك حنان
وأنسى معك حزن الزمان
غدار مالك أي أمان
وش اللي أنتظره بعد
¤¤¤
شدها الصوت
ولمحتني واقف جنبهم
شافت اللي كان مجنون بحبهم
وشافت الدمعه الأخيره
من اللي حبها وماباع لجل الدنيا ضميره..
يالله عسى بفراقها خير..
يالله عسى بفراقنا خيره..
كانت الدمعه الأخيره..!!!
وكنت ""نــــــــادم"" ...

12/10/1425

نـــادم

علي المحمد

04-07-2007, 05:47 PM

سألتها البارح!!
ليه الكلام اجحاف
ليه الاسلوب "جــارح"..

جاوبتني بكل الأنـا
انت من علمني أنــا
انك "فقير" وكلك عنــا

من تظن نفسك ياهيه.!!
تبي توصل للهنــا..
لوتموت ماتحصل عليــــه

انا بنت الشيوخ
انا كلي شمــوخ
انت بنظر شوفـي
انسان تافه!!
انت بس تبكي علي..
قالتها بنبره فيها "غرور:
ماراعت لاحساسي شعور

ماعندك غير الدموع
تبيني اصدقك وانت تلعب علي

ياخي ابعد عن عالمي
وانت عارف
لوتبي "ذنب" بقول لك مامعي

شف لك وحده على مستواك
فقيره غنيه مايهمني
انا ابعد عليك من نجمه في"سماك"
انابنت عز و باسي قـوي

ابي تطلع من حياتــي
(أحبك) كذبه قلتهالك وانتهت
ممكن أعرف وش تبــي؟

ليه ساكت "ياغبـي" !!

رديت مذهول...
ماني مصدق اللي تقول
وسألتها...!!
معقوله ماعندك ضمير
وكـل هــذا منك يصيــر..
انتي لعبتي بحسبتي
عارفه ياعمري ليه أبكي عليك
انا بعلمك "ياحلوتي"

الطيب مابين معاك..
حاولت ابين كل شي
عطيتك اجمل مامعاي
أهديتك "القلب" الوفي
ودموع لجلك ياغلاي
تذرف وهي صعبه علي

ليه ساكته "ياأسمــاء"..!!
أرجوك ردي علي
ندمانه ياحلوتي

هااااه وشو... وش قلت "ياعلـي"
أصلا كلامك مايهمني..
كنت أحاكي الخادمـــه
أبيها تلبسني عبايتي
طالعه وأبي أشوفك الحين
وياويلك لوتتأخر علي!!

قلت بطيبة نيتي..
يعني رضيتي ياهناي
أخيرآ حنيتي علي
وين أشوفك فيه؟؟
(سؤال نادر مايجي)!!

علمتني المكان ورحت له
أنتظر
أحتريها تجي
أسأل نفسي ليه تأخرت
يارب لايكون صار فيها شي!!
لا لا
يمكن ماره محل بتشتري هديه حلوه لي..
أكيد بتراضيني عشان قسوتها علي..

(بعد التفكير البريء)

وقفت سياره فارهـه
تمنيت انـها لــي ..
لايكون سواق "أسومتي"..!!
إلا والله هذي هي
جالسه بالسياره وتأشر بيدها تعال..
أكيد بتتأسف وبتهديني ورده والا اي شي..

نزلت وجيت عندها
وبنظراتها تشفق علي
عطتني كيس لونه أسود
وبكل برود قالتها لي
خذ هذي "هداياك" ولاعمرك تدق علي
لازم أنظف غرفتي...

انصدمت وتميت ساكت...!!!
ماقدرت أحبس دمعتي
بصوت محبوس ومختنق
هذي هدايا ليه تردينها لي؟؟
قاطعتني...
وفر دموعك ولاتكثرها علي
ودك أكثر تحترق
أناماأحبك "ياعلـي"

أناحبيت واحد من "مستواي"
"وانت عنده مو شي"
شف هداياك انت ماتستحي..!!
دبدوب واباجوره وعطورات وشموع وحاجات ماتسوى علي
شف ولد العز وش جاب لي
تصدق هذي الساعه قيمتها ١٠٠٠٠٠ ريال شاريها لي..

يووووه أنا لازم أمشي
تأخرت على أهلي
قلت لحظه "ياأسمــاء"
قالت إخلص وش تبي..؟؟

سألتها "ياأسمـــاء"
ريحتك بالهدايا والا حارمتني وباخله علي..!!

أحرجها السؤال وبكـت
وقالت:
خلاص روح ولاتطولها معي
راحت..
بكل قسوتها وتركتني
واقف على ذاك الرصيف.
أضم الهدايا وأشمها
فيها ريحة أقسى وليف.

وكان السؤال معقوله بكت!!
طيب الدمعه اللي ذرفتها
عشان "تحبني" والا شفقانه علي..!!!

نــــادم

علي المحمد

04-11-2007, 11:09 PM

علمتني وش لون أحب ..
علمنـي كيـف انســى ..
يـابحـر ضايـع فيـك ..
الشـط والمرسى ..

اسمعيها عشاني
ماعمري اهديتك اغاني

أمس سألوني عنك وتوهوني
وحاولت اداري دمعتي واغمض جفوني
ونطقت اسمك وعلمتهم انك اغلى من عيوني

وبعد ماغابو بكيت
وندمت انـي حكيــت

وآآهـ لو تدرين
وش كثر انا منك حزين...

ودي احكي لك عن اسباب العنا
اعذريني انا ماصرت انا

ماعرفت اكتب كلمتين
حزين حزين
ومدري متى بتدرين!!

اني احبك
واهذري بك
وماقويت اكشف عذاريبك
وأستر بها ذنبي..

عيبي هو طيبي
ورجواي منك طيبك
ومنك ياكبر همي..

تبيني ارتاح
سلي سيفك الذبَاح
واذبحيني..
لاترحميني..
وبموتي افرحي..
وبصوت عالي اصرخي..
مات نـــادم..وأبد لا تندمي..

وانا بصفح..
حتى لو الألم موجع ويفضح

لجل شي في قلبي
صار له شهور يلعب بي
يمكن ارتااااااح
وبموتي يبتدي عمــــري

يالمترف الرعبـــوب...
تظلم وانا الجاني
من فينا هاليوم يقدر...
ينكر غلا الثانـي

الحب فاضحني
وماودي اتـــوب
وانا ادري بك لعوب
وتعرف مدى أحزانـي

أستأذنك بـرووووح
برحل بلا رجعـــه
بخاطرٍ مجـــــرووح
ولاتنتظر جيَــــــه
وريح الغياب يفـوح

ولأنه غبي
ويحبي خلفك حبي
خليه يزعل..
ايه خليه يزعل وش عليه..
"دامـك تشوفين ان الزعل أجمـل"
اذا كنتي رضاه..
خليه يزعل..
لـين يتفجر ضجر..
ليـن الفجر..
بعدهـا
بيـدري إن الليل راح..
وبينتظر نور الصباح..

وبيلملـم اوراقـه
واشتيـاقه..
وبيشحـذ من عيونـه سهر..
لأجـل النهار اللي حضر..

لأجل
الحلم اللي مات بعنادك..
وبيبقى على بابك..
ينتظر..

لكن انتي وش عليك!!
وش يهمك
يا "أميره"
لاتخافي من سواليفي
وتخريفي..
هذا انا..
لاضاعت احلامي
اتذّكر الآمي!!
واطيش
واخلي اقلامي
تنتحر
وتنزف حبر
سميته "الدامي"

ايه
برحـــل
لا صارت ضلوعي تتكسر تبيك
وانتي مثل منتي
ماتغيرتي..

حديث الألسنه
اليوم وكل سنه

الكل يتمناك
ويطلب ارضاك

وانا جزاي منك..
"الباب يوسع جمل"
شي مابيه يصير وحصل..

العنــاد اللي تساوميني عليه..
بشتريــه ..
وادفع ثمن وصله من اليوم ببعـاد ..
ولاتحتريني
لـو الصبر يزداد..
اخترت البعاد
لاقيود ولا أصفاد..

وبحلم فيك ..
انك جيتي
لعيوني وصال !!
وتناديني نـــادم تعـال
أدري انــه محااااااااال
بس بحلم..

ولا صحيت من حلمي
ببكي عليك..
وبمسح دمعتي بأطراف كمي...
ولا زادت الأوجاع وازداد همي...
بكلم امي ...
وعندالغاليه
بشتكيك..
ادري بتقول...
لاتبكي عليها وهي ماتبيك..
وتٍـطمني بخليها تدعي لك
وماراح أخليها تدعي عليك..

كذا انا انتهيت
وندمت اني حكيت
لأني أحمق وأغبى غبي..
وصابتني عين ماصلت على النبي
رسمت نهاية أحلامي بيدي

ادري بتقولين هذا وش يبي!!!

تدرين
آهـ ياهم الحزين
بسحب نفسي بكلمتين

"الباب يوسع جمل"

نــــــادم

علي المحمد

04-14-2007, 10:29 PM

حزة غروب
وقتي المفضل للهروب
من لضى صدك يالعوب

وعلى ضفة بحر هادي تذكرتك
ومن غزير دمعي هليت وأمطرتك

نفس المكان الطيب الحاني
اللي بكيتك فيه وياما بكاني

المكان اللي تحمل شقا همي واسى احزاني
وكان لي صاحبٍ وافي ماعمره بلحظه تناساني

رسمت حلمي على مد النظر
في قارب صغير وسط البحر

وابحرت بأحلامي
ابي ألقاك قدامي

وتخيلتك حوريه
وجبت لك جوريه
بقدمها لجنابك هديه
وكانت الصدمه قويه

بكيتك
لأني انادي ومالقيتك
بكيتك
وسألت نفسي ليه حبيتك

انادي
ياللي نسيتي ميعادي
جيتك بيوم ميلادي
اليوم اللي عرفتك فيه
اللي كنا كل سنه نحتفل فيه
وجبت لك الورد اللي تحبيه
اللي ياما تغليتي وقلتي بشقاوتك ماابيه

انادي
وكان البحر هادي
وانتي تسمعيني ومصره على عنادي
ماهمك ابعادي

مكابره ما تردين
معاندتني ماودك تجين

انادي
وينجرح من الشوق صوتي
وصدك الجارح مايقرب الاهلاكي و موتي

ابحر بعيد
والحيره تزيد

كني كفيفٍ ماأشوفك
واحس بشي من حسرتك وخوفك
لأنك اذنبتي وجرمك صاغته بكل قسوه كفوفك
ماودك تظهري لي حزنك
اللي بيزيد من جمالك وحسنك

وانتي تدرين لا صرتي حزينه
يثير الموج من حسنك وتغرق هالسفينه
وهذا اللي انتي مصره عليه و تبينه
اصير كني غريب ينتظر رجعة مدينه

ماتبغيني اغرق واموت
تبين الايام من عمري تفوت
وانا اتبعك
وبوراقي اكتبك
سالفة عشق بطلها مقيد وسجانه مرتبك

وارجع من نفس الطريق
محزون ودموعي حريق

معي جوريتي
مالقيتك ياحوريتي

وألقاني لاصحيت من حلمي في مكاني
اللي بكيتك فيه ومن ظلمك بكاني

متلحف بعباة الندم
كني صنم أعمى أبكم و أصم
حوله الاحزان واصناف الألم

لا أنا اللي بعيد حبنا الضايع احتفلت
ولا أنا اللي لفراقك صبرت نفسي واحتملت

نادم
مو عشان انا بكل جنون الحب حبيتك
ورفضت الغيد ومن بينهم بالحب خصيتك
نادم
لأني ماقدرت اشيلك من قلبي وهو بيتك
قلبي اللي باحضانه رعيتك و لحفتك و خبيتك

حتى بأحلامي ماتخيلت اني فكيت القيد وقويتك
ماتخيلت بيوم اني اهنتك ياسجاني واخذت حقي و ذليتك

كنت احلم
واعترف لك اني بس قدامك ضعيف و انهزامي
كنت احلم
وتقبلي حبي و شوقي والغلا و فائق احترامــي

نــــادم

علي المحمد

04-19-2007, 10:17 PM

http://songs1.6arab.com/3abady..kafak-ghroor.rm

علي المحمد

04-20-2007, 01:52 AM

http://www.9oar.com/up/thumbs/86e11075ae.jpg

اليوم حاكيت السحاب
وعلمته كيف تاهت بي دروبي..

http://www.9oar.com/up/thumbs/86e11075ae.jpg

اليوم حاكيت السحاب
وشكيت ضلمك لي يامحبوبي..

http://www.9oar.com/up/thumbs/86e11075ae.jpg

اليوم ضميت العذاب
وألم بعدك توه الحلم بدروبي..

http://www.9oar.com/up/thumbs/86e11075ae.jpg

سحاب
أنا ملهوف
لوني شاحب ومخطوف
خذني معك في سماك يمكن محبوبي يشوف
يشــوف الحـــزن بعيــون كاحلها السهر والخــوف

http://www.9oar.com/up/thumbs/86e11075ae.jpg

واذا رفع راسه وشاف..وارتعد قلبه وخـــاف..
إرمني من أحضانك عليــه..ودي أجيــــــه..
وأضمه على صدري..واقبل راحة يديه..

http://www.9oar.com/up/thumbs/86e11075ae.jpg

وإلا تدري ياسحاب..
ريحني من هذا العذاب..
صوب رعودك على قلـبي..
يمكن أرتاح وينفـرج كربـي..
أموت ولاعيشتي لحظه بدونه...
أموت ولا اشوف غيري في عيونه...

http://www.9oar.com/up/thumbs/86e11075ae.jpg

اليوم حاكيت السحابه..
عن العذاب اللي من أسبابه...
كل الدروب ظلمى والألوان تتشابه...

علي المحمد

04-22-2007, 03:31 PM

http://www.q6of.com/download.php?action=lsn&id=5931 (http://www.q6of.com/download.php?action=lsn&id=5931)

علي المحمد

04-27-2007, 04:14 PM

زعلتي
وصديتي يوم أقبلت،،

ماأنكر خطاي
واعتذاري المجنون
يبين لك هواي

أنا آسف...
طلبتك تعالي،،،
وربي تعب حالي..

يالعوبه
ياأصدق كذوبه

ياقطعة سكَره
ياللي بأهدابك تذوب المِسكرَه

أهلك اللي دلعوك
مسكين ياقلبـي،،،
ببنتهم ورطــوك...

ياحياتي تغلين!!
مــاودك تجيــن؟؟

طلبتك إضحكي..
لا الظاهر ماينفع معك هذا الحكي،،،

أدري فيك تحبين الغزل
خدودك تفاحتين والشفه عسل

فديت ملامح هالزعل
فديت الأنوثه والعذوبه
فديت من ترضى علي
وتحبني وماهي مغصوبه

فديت دمع عينك
اللي وسم وجنتينك

تعالي
تعالي هنا..
جنبـــي أنا،،،

أبوس يدك
وأبوس خدك
وأتلذذ بتعذيبك وصـدك

آه ياحلوك
وياحلو زعلك
بترضين وإلا تبيني أوديك لبيت أهلك!!

لا
لا توديني
زعلانه واتدلع
وبغيتك تراضيني

أحبك
وابيك كل يوم تزعلني
عشان كلامك المعسول
ياعمري يجنني

"علي"..وش رايك نطلع نتمشى
ونـــــــروح "تشيليـــز" وفيه نتعشى

ناظرتني بكل براءهـ وقالت..
وش فيك ساكت؟؟
مالت عليك مالت..
"علي" مالي خلق أطبخ
فديت قلبها
خافت وحست انها بتتكفخ....

ضحكت وقلت
أجل يالله ياعمري مشينا
قبل يجينا ضيف ويخرب الطلعه علينا

راحت تلبس وبسرعة الصاروخ رجعت
مطفوقه من خلقها الله ماعمرها اركدت

حبيت أمازحها
وخبيت طرحتها

يالله ياقلبي تأخرنا
لاتزعلين ان قلت هوًنـًا

لا حبيبي
بس باقي طرحتي
لا تخرب علي فرحتي

قامت برقه تدورها
وكنت أكحل عيوني واناظرها
ياحلوها وهي مختبصه
وسرحت بخيالي ونبهتني بقبصه

وسألتها شكلك مالقيتيها
أموت واعرف وين حطيتيها؟؟

خلاص
خلاص بعترف
أنا مخبيها وتوبه ماأسويها

هذي طرحتك
ماعاش من يكسر فرحتك

هين أوريك
المقلب برده لك
وبسويها فيك
امش قدامي
ياسعادة الحــرامي
وربي ماأخليك
مع انك مو صاحي
بس مدري ليه
احبك واموت فيك

حطيت يدِي بيدَّها
مدري أنا اللي من قدي
أو هي اللي من قـــــدَّها

ركبنا السياره وابتدى المشوار
في ليل بارد وعلى طريق المطار

كان في يدها شريط
وقالت امسك ياعبيط
هذا الكاسيت لعبدالمجيد
توه ماله كم يوم نازل جديد
وعلمني وش رايك بالأغنيه

إنت ماانت انسان انسان أكثر
وقلبي مو من قلبك أصغر
ومثل ماتشعر تأكد إني أشعر
فيني منك فيك مني
غصب عنك غصب عني
إلتقينا واللقا قسمه مقدر
هان طعن السيف ولاطعن الكلام
من حبيبي اللي وسط حضني ينام
مالي غيرك
ومالك إلا أنا حبايب
يكرهك نصفي ونصفي فيك ذايب
الهوى غلاب وأمر الله غالب
ألزمك طول العمر لااجي ولااروح
كني مقيد
وقيدي مو سلاسل
قيدي اخلاص ووفا والا انت قايل
لويقوم الكون ويخسف بي زلازل
ماأحرك ساكن بك مير مسموح
مسموح،،،

ماقدرت أحبس دمعتي
مسكت يدها بقوه وقلت
يانـــورعيني وشمعة دنيتــــي
الله لايبين غلاك
ياتاج راسي ياغناتي ياحلوتي

كانت أروع ليله
وكانت بعيني جميله
وللأسف كنت أحلم
والحقيقه ماكانت معي
راحت لغيري وتركتني اسامر مدمعي

تحت المطر واقف
تمر الناس وماكني أبد شايف
خـــايف!!
ايه خــــــايف،،،
خايف احب غيرك واقتله
والسبب جرحك اللي مافيه أحد يجهله

كيف أحب غيرك
ونفس الحلم فيك يتكرر
عجزت أنا من قيودك أتحرر
ومن تفارقنا واعلنتي هجيرك
وانتي السجان وحبك القيد وانا أسيرك

نـــــادم

علي المحمد

05-03-2007, 03:17 AM

.
.
.
.
غرفه صغيره..
اوراق مبعثره..
هنا قلم هنا مسطره..
مكتب قديم فوقه دوسيه ومحبره..
بكت دخان..
ألبوم صور..
بساطه وعلامات الفقر..
على الشرفه عش العصافير..
وهنا يمي مسجل صغير..
وضجة الغرفه...!!!

"إختر الحل الصعب ياتفارق ياتحب"

اختياري..
أفارق..
ولجروحي أعانق..
وأرحل على متن الزوارق..
معلقٍّ سود البيارق..

أختار البحر..
ضاع العمر..
طعون وغدر..
كيف أسامح أشباه البشر..

على اليابس..
منظر وحيد يشدني..
يزورني مره بالشهر..
ويقول:
عذابك هدني..
وحزنك شدني..
نادم ماعرفتني...؟؟
أنا الكوكب قمر..
انا رفيقك بالسهر..
انا اللي اشوفك تنتظر..
احلام مغيبها القدر..

ياهلا فيك وياهلا بطلتك....
هلا بك ياصديقي قمر..
انا مليت..
انا استخرت وصليت..
وقررت اغامر بالبحر..
وبآخذ معي هذا العطر!!!

بديت رحلتي في عالم مجهول
وتركت قمر يفكر في ذهول
ليه العطر !!!

وسط الأمواج..
والطيور مهاجره أفواج..
سرب منها مشكل في سماي قلوب..
وخفاقي من الدهشه ابتدى يذوب..
صباح العشق ياطيور النوارس..
شكرا على كل الجمال ياعشق الاطفال في كل المدارس..
من قلب نادم من قلب بحار وفارس..

دب السكون..
والموج هادي..
طلَّت علي الدلافين تنادي..
هلا يامنوِّر بلادي..
حنا الدلافين..
حنا فزعة الغادي..
حنا نحب المساكين..
حنا معك في رحلتك..
واليوم جينا نحرسك..

أهلاً دلافين!
شكراً ملايين!!

موجه قويه....
القارب تحطم..
ونادم مرعوب يتألم..
وطاح العطر...
لازم ألحقه وش انتظر؟؟

نادم..
مسكين يامجهول المعالم..
من التعب اغمي عليه..
الدلافين انقذوه..
وعلى شاطي ديرته وصلوه..

فتح عيونه بصعوبه..
يتذكر البنت اللعوبه..
اللي اهدته العطر...
وراحت ومافكرت تعتذر...

وبالسماء شاف..
دمعه على خد القمر !!!
قمر يبكي..
على ظلم القدر..
يشوف احلام نادم على الشاطي تحتظر..

بكل بساطه
كان حلم وصحيت
وانا توي ماابتديت
اول شي سويت
ماقمت انتظر
دورت العطر
ظميته بقوووه وبكيت...
وقلت أفارق
واستثني من الفراق
العطر!!!

نــــادم

علي المحمد

05-07-2007, 06:40 AM

http://www.6rb.com/song4/ksa/maddah/maddah-3athat_alebham.ram

علي المحمد

05-14-2007, 07:00 AM

تخيلي

ولاعليك أمر

تخيلي

ياشبيه القمر

تخيلي

ولا يآمرك جايرٍ ظالم

تخيلي

لوتختفي من دنيتك كل المعالم

وابقى انا

وتشوفين بعيوني العنا

حزين

وهمي تجين

ولاجيتي متأخره

وانتي بذنوبك غارقه متعثره

لقيتي انفاسي بتغيب

تنتظر رجعة غريب

تخيلي

اني بين احضانك اموت

واتمتم بصوتٍ جريحٍ ومخفوت

ليه طولتي علي

ليه زدتي في عناي

ليه ماصافحتي يدي

وروحي ترقا في سماي

وبعد كلامي أودعك

والجروح تطيب والنفس ترقا

وقبل أموت

بتخيلك متألمه تبكين

وتنوح بسماك حمامة الورقا

مابيبقى لك في دنيتك أيــَّت علامه

سوى قبري التافه وانتي والحمامه..

تخيلي

وانا بتخيلك..

وماأظن يخفاك او يجهلك

انه في مملكة حبي طهارة

ماتباع وماتنشرى

تخيلي

انتي بعد كل اللي جرى

الحب مدفون و وارو جثمانه للثرى

وانتي الغبيه

بتعيشي شقيه

لاحنان

ولا امان

وماأظنك بتعيشي بنفسٍ رضيــّه

قيدك ياسجـّانه استباح وذبح نفسٍ بريـــّه

تخيلي

نــــادم

علي المحمد

05-21-2007, 07:32 AM

ـــ

http://song4.6arab.com/kathem-al-saher_eghsely-bel-barrad.ram (http://song4.6arab.com/kathem-al-saher_eghsely-bel-barrad.ram)

ـــ

علي المحمد

06-06-2007, 02:33 AM

خيمه
وسط صحراء
فوقها غيمه
وسحاب ومطر ديمه

وانسان
ساكن هالمكان
ذاق ويلات الزمان

رجل ثلاثيني
زهد بالدنيـــا وعنده قصور
عافها وياشينه زمان الجور

زهابه..
بندق صيد
ودلَّه
وفناجيل
وفــــــــاس
ترك وراه..
الخدم
والحشم
والحـــرَاس

بنهاره يشتغل حطَـاب
وبراحة كفوفه اللي كانت نديه خشونه

ليلــه مغلف بالعـذاب
ويحبس طهر دمعه في محاجر عيونه

والى منه حل الظلام
اتعــب الليــــــــل بكلام

يسامر جروحه
اللي اهلكت روحه

وإلى منه خذاه وتله الشوق
لذيك اللي تزم بشفايفها الموق

رفع راسه يخايل وجهها من فوق
ولاح لـه من ســواد عيونــها بروق

تذكر الماضي وخاف
وصابة ايدينه رعشه وارتجاف

وغمض على حسنها عيونـه
خايف حتى طيفها منَـه ياخذونه

مسكين هذا الحطَاب
عايش في زمن كــذَاب

إلى منه طاحت من محاجر عيونه دمعته
في ليل اظلم هو نوره وضياه وسنا برقه وشمعته

قـام و واسى مكان الحطـب
بيدينـه اللي مضنيهـا التعـب

وشب ضوَه من ضلوعـه
وبهـَر دلالــه
وجرَها هجيني ومسحوب
وعانق خيالـه

وقال
بعد مادمعه سال

جيتك جريح
ومنك عوَدت بجروح
شوفيني على
رمضى التناهيد مطروح
بنيت لك بالحب قصر
وشيَدت لغلاك صروح
وبعـد كـل مــاشفـتـي
لنفسٍ تحبك تكبرتي وعفتي
وتركتيني بليا روح
ألم أسى وهـم وجروح
وقالهـا بصوت مبحــوح
روووح وبتـوادعــك روح
الله حسيبك ترى منت مسموح

يابنــــت ارحمـيـنـي
هذي قصة رجل ثلاثينـي
فيه مني ومن ضيعة سنينـي
مـدري كتبتهـا أودمعـي كـتـبـنــي
بس الأكيد إنه همي استباح دمعي وغلبني
وخفت انك تبعدين
واقعد بروحي حزين
يابسمة ايامي ياطهر الطفوله
أنا حزني مثل حزنه
بعرض هالكون وآفاقه وطوله
باقي من العمر أيام وأصبح ثلاثينـي
طلبتك يـاعروق قلبـي لاتـخـلـيـنـــــي

نــــادم

علي المحمد

06-09-2007, 07:30 AM

سرقه مباحه من ضفافها

http://song5.6arab.com/joe-ashqar_asef.ram (http://song5.6arab.com/joe-ashqar_asef.ram)

:)

علي المحمد

06-22-2007, 06:16 PM

رسالــــــه

لـ الغــرام اللي تـاهـ من قلبي وهـــام

لـ مـر السهر .. لـ الليل الأوحش .. ودهاليز الظلام

لـ التعب .. لـ الفرقى .. لـ الحظ اللي مارحم حالي وقــام

لـ الجروح اللي تمسيني بحلو الوعد وتصبحني على بعد المرام

ممكن تخلونــي أعيش بـ ســلام ؟؟

علي المحمد

06-28-2007, 03:26 PM

.
.
.
.
.
تعطري
لـجـل الـلـقـاء الموعــود
تعطري
يـامخلفـه كــل الوعــــود
تعطري
ياخاينـه قـلبـي الــــودود
تعطري
ما لـلـوفــاء عندك وجود
تعطري
الدنيا كـذا نكران وجحود
تعطري
القلب مات
والحب فات
وأنا بنسحب بسكات
وبذرف دمعة المقهور..
الحين بيمرك
عادي وش يضرك
لاصار يقهرني ويسرك
روحي معه وأنا هنا بنتظر
من يجبر خاطري المكسور..

بس بسأل
قبل أرحــــــل
لـيـه الـعطـــــــر؟؟
انا أذكر أنفاسك سـحـر
وش ذنــب العطــــر!!!
تآخذينه معك وهو مايبي مثلك يخون...
تعطري له يافاتنه واكحلي أجمل عيون...

تعطري

وأنا لجل عطرك بحترق
دخان
دخان
دخان
جور وظليمه وخوف و قيوووود سجان

تعطري

اليوم ..
صدرك حضن غيري جهاله..
يحق له...
يعيش بالدنيا حلاله ..
من يوم إبتدى قلبك المغرور..
لعبه..وإحتياله ..
استبحتي طيبة القلب واعلنتي اغتياله..

إرجعي لقبل البدايه..
قبل هذيك السنين..
لو تذكرين ..!!
أذكر إنا كنا نلعب..
وأنتي وحدك تجلسين..
وأذكر إني كنت أتعب..
أبني قصر .. وبيت طين..
كنتي في عيني أصعب..
ومستحيل إنك تجين..

يجتمع شمل البنات..
يلعبن تحت السحابـــــه..

يجمعن ورد ونبــــات..
وطبعهن حيل يتشابــــه..

إلا أنتــي..
أذكر إنك تفرقيـــــــن..

أذكرك ..
وشلون ما أذكر..
في بالي أسأل وش بلاك ؟؟
كنت دايم أفكر ..
اللـــــه يستـــــــــر وش وراك ؟؟؟

وعشان أعرف...
أقـــرِِّب..
وأذكر إنك تبعدين..
إستمر حالي كــذا...
كنت أقـــرِّب تبعديــن..
وفي كل مــره كنت أقــرِّب..
كنتي فعلاً تجذبين..

أعترف...

(( كان عقلك مرّه أعقل.. ))
ما كان عقلك في كبرك..
كنتي مرّه حيل أثقل..
من البنات اللي في عمرك..

كنت حولك كنت أحاول..
في رسول وفي رسايل..

وصار لازم أعترف..
إنه بس إنتي الوحيده..
اللي طبعك مختلف..
وماعرفتي تلعبين..
ومن هذاك الوقت..
ومع كل السواليف القديمه..
وأنتي بخيالي تكبرين..

لين ماخنتي هوانا..
وحطمتي فيني طموحي..
يوم كنتي لي طموح...
وما كفى ظلمك جروحي...
جرّحتي بأعماقي الجروح...

وآهـ لو تدرين..
وش كثر أنا منِّك حزين..

على كل حال ..
تعطري..
أنا لي الله وانتي بذنوبك تعثري

نــــــادم

.
.
.
.
.

علي المحمد

07-03-2007, 10:33 PM

ـــــــــ

دخون

http://songs.6arab.com/3abady..do5oon.rm

ـــــــــ

علي المحمد

07-07-2007, 12:05 PM

http://upload.9q9q.net/file/urQ773moJ/Sound-clip-07-.amr.html (http://upload.9q9q.net/file/urQ773moJ/Sound-clip-07-.amr.html)

الرابط بالأعلى ملف صوتي للقصيده

أتمنى مايجرح مسامعكم

تصد . . . عني . . . وتبي . . . اسكت . . .

تبي . . . اقول . . . لك . . . مسموح

نسيت . . . إني . . . قدرت . . . أثبت . . .

غـــلاك . . . بقلبــي . . . المفضـــوح

ورود . . . الشوق . . . لك . . . تنبت . . .

بصحرى . . . الجفاف . . . تنـــــوح

ومحاجر . . . عيني . . . لك . . . أزرت . . .

عباير . . . دمعي . . . المسفـــوح

حبيب . . . الروح . . . لو . . . أكبت . . .

لجل . . . ضلمك . . . الم . . . وجروح

بيجيني . . . يوم . . . ما . . . أفلت . . .

من . . . الحسره . . . وموت الروح

تصد . . . عني . . . وتبي . . . أسكت . . .

هذا . . . اللي . . . تبي . . . بتروح !

روح . . . وبصدر . . . الألم . . . بكبت . . .

ذكرى . . . صوتك . . . المبحوح . . .

نــــــادم

علي المحمد

07-10-2007, 05:17 AM

http://www.9m.com/upload/10-07-2007/0.381411833497.jpg

يموت بك ثرى نجد وتحضنه..
ويبكيك الشمال
وجهك المحبـوب غــاب،،،
وبقى منك حلم وآمـال..
بقــى،،،
نقش احروف اسمك
على قلوبٍ بحبك تغنَت..
نحبك طلال
نحبك طلال

http://www.9m.com/upload/10-07-2007/0.381411833497.jpg

كيف أردك..!!!
وأنــا أدري رجوعك محال،،،
وكل شي حولي ينادي لك..
تعال
تعال
تعال
ندى الغيمه والسحاب
والورد وصُـم الجبــال...
كنَها بغيابك تشتكــــي
ومحيرها السؤال..
ماشفتــوا طلال..؟؟؟

http://www.9m.com/upload/10-07-2007/0.381411833497.jpg

غدروك
وزرعــو بقلوبنا شوك
ومـــات طيرك،،
حــرٍ وقف قلبه من لوعــة هجيرك..

والعزى بنواف .. وعيال الرشيد..
وشيٍ بقا منك .. وأبيات وقصيد..
حتى لو ترحل بعيد..
حتى لو ترحل بعيد..
مكانك هنا..
بين الضلوع..
في حنايانا أكيد..
مرحوم يافخر الرشيد...

http://www.9m.com/upload/10-07-2007/0.381411833497.jpg

بس من أجلك،،
جيت أوصَل لك..
كلمه،،،
من قلبي لقلبك..
ياطيب القلب ما مات ذكرك،،،
نحبك .. نحبك .. نحبك

علي المحمد

07-21-2007, 12:09 PM

ظلام
صمت رهيب .. مابه كلام
خوف
وقلوب مابها رحمه .. وعيونٍ ماتروف

هذا سجاني ..
هذا من دمر كياني ..

زارني بالحلم وبيدينه قيود ..
زارني وحراسه أسود..

سألني ليه خايف !!
(( بقيدك هنا وبرحل .. وماعلى مثلك حسايف .. ))

مديت اليدين ..
وقلت امرك ياسجاني ..
قيدني وارحل يا بايع حناني ..

رحل وللنــــــدم تركني وخلاني ..
اكتب الشوق وبيديني قيود من صنع سجاني ..

انزف دما جروحي حبر على أوراق دفتر باليه ..
لجل من كانت ولازالت رغم الجور والحرمان أغلى غاليه ..

اكتب سطر وامحي سطر .. ولاغشاني النوم واتعبني قيد سجاني ..
صافح الرمش رمش ونمت .. وعادت الأحلام الجايره تزلزل كياني ..

علمتني ياسجاني..
ان اللي يخفف أصناف الألم..
دفتر ينتشي مسرور في حظرة قلم..
كتبت فيه الشوق والحسره .. وتعلمت الندم ..
ورسمت على أول أوراقه علم ..
شعــــارهـ قيد .. وعيون سجاني ..

تحت العلم كاتب لك يانبض وجداني ..
رساله الى من باع ضميره .. وبالعاني تناساني ..
متى ترجع وترحمني .. وترحم مابقى من بقايا زماني ..
رساله الى من دمر كياني ..

نــــادم

علي المحمد

07-26-2007, 03:44 PM

http://upload.9q9q.net/file/dc8VXTfGB/-----------2--.amr.html (http://upload.9q9q.net/file/dc8VXTfGB/-----------2--.amr.html)

الأماكن

وش تفيد الأماكن .. لا إلتفت .. ومالقيتك ..

الأماكن

تشتكي .. ظلمك لقلبي .. لا زرتها .. وإحتريتك ..

المحاجـــر ..

من دموعي .. صارت .. بعيني تمـــوت ..

وماصفالي ..

من غيابك .. غير ابتهالات .. و قنــوت ..

وتذبـــح الدمعات .. عيني ..

تنتظر .. منك تجينــــي ..

والعمر .. بعدك .. يفوت ..

وآآآآآهـ

آهـ .. لو تدري .. بحنيني ..

وبشي .. من فقدك .. يجيني ..

كان .. يقتلك .. السكــــــــــــوت ..

وآآآآآهـ

آهـ .. من.. الزمان

ليـــــــه .. الزمــــــان .. !!

ماترك لي يوم امتلكتك .. لا وثيقـه ولا ضمـان ..

وكل .. ماجيت .. زاير للمكان ..

اسمعه ( قلبي ) يقول ..

لا .. تجدد بــي ... حنينـــــي ..

لا .. تزود مـن ... أنينــــــــــي ..

الأماكن .. اللي .. جمعنا .. الحب .. فيها ..

مـــاعـــادت .. عيــوني .. تبيهــا ..

الا .. اذا .. جيت .. ولقيتك ..

جيت .. وكان .. الغيم .. يفرد

ظله .. على بقــايــا الحطام .. وسور بيتك ..

كنت .. أظن .. الغيم .. جابك .. ترمي النظرهـ علي ..

كنت .. أظن .. الرعد .. صوتك .. يفزع القلب الخلي ..

كنت .. أظن ... و ... كنت .. أظن

و .. زاغ منــي ..

عقلٍ .. مابقى فيه شي .. وبكيتك ..

الأماكن

وش .. تفيد .. الأماكن ؟؟

لاجيتها .. وبعيوني كلام .. وبدموعي حكيتك ..

الأماكن
و
ش .. تفيد .. الأماكن ؟؟

وكل ما زرتها .. ملهوف .. يكبِّـل القلب قيدك ..

الأماكن

آآآآآآآآهـ .. من ظلم .. الأماكن ..

لا .. جيتها .. ومالقيتك ..

نــــــــادم

علي المحمد

09-03-2007, 03:33 PM

كان يا ماكان

يا أميرة زماني .. رعود وبرق .. وموج يجتاح المواني ..

جذع النخل تهزه الريح ومثل العزيزين شامخ .. وذاك النحيل خايف تتبدد احلامه بثواني ..

الرحله صوب شاطي الغياب بتبتدي .. فكر .. وهجوس .. وآمال .. وأماني ..

شرَّع المركب .. مضنيه الأرق .. وجهه الشاحب .. ينتظره الغرق

وصاح الحزين

ياجرح من وين أبتدي
وانتا معي من مولــــدي

صاح الحزين

ياللي رمحتي القلب بعيونك ..

آهـ من ضلمك ..

دمرتي مجنونك ..

اقفيتي عني .. يوم حبك سكني ..

وساقتني للهلاك طعونك

قررت أرحل .. بعيش من دونك ..

قررت أبعد .. ومع طيفك الجاير بخونك ..

كذبك مركب للغرق .. وغدرك يجلدني أرق .. وتعبت أشقى

تعبت اشكي ولا ألقى .. وقررت الرحيل .. ما أبقى

كان يا ماكان

ناحل وناسيه الزمان ..

كان يا ماكان

كان بيديها بأمان ..

كان يا ماكان

نمتي يافيض الحنان !!

نوم العوافي .. ياسري الخافي ..

نوم العوافي .. وبحظنك الدافي ..

ابي اغفى .. ابي ادفى ..

ابي حبك بحر .. وقلبك وسط موجه .. جزيرة المنفى

علي المحمد

09-22-2007, 02:44 AM

علمتني وش لون أحب ..
علمنـي كيـف انســى ..
يـابحـر ضايـع فيـك ..
الشـط والمرسى ..

اسمعيها عشاني
ماعمري اهديتك اغاني

أمس سألوني عنك وتوهوني
وحاولت اداري دمعتي واغمض جفوني
ونطقت اسمك وعلمتهم انك اغلى من عيوني

وبعد ماغابو بكيت
وندمت انـي حكيــت

وآآهـ لو تدرين
وش كثر انا منك حزين...

ودي احكي لك عن اسباب العنا
اعذريني انا ماصرت انا

ماعرفت اكتب كلمتين
حزين حزين
ومدري متى بتدرين!!

اني احبك
واهذري بك
وماقويت اكشف عذاريبك
وأستر بها ذنبي..

عيبي هو طيبي
ورجواي منك طيبك
ومنك ياكبر همي..

تبيني ارتاح
سلي سيفك الذبَاح
واذبحي..
وأبد لاترحمي..
وبموتي افرحي..
وبصوت عالي اصرخي..
مات نـــادم..وأبد لا تندمي..

وانا بصفح..
حتى لو الألم موجع ويفضح

لجل شي في قلبي
صار له شهور يلعب بي
يمكن ارتااااااح
وبموتي يبتدي عمــــري

يالمترف الرعبـــوب...
تظلم وانا الجاني
من فينا هاليوم يقدر...
ينكر غلا الثانـي

الحب فاضحني
وماودي اتـــوب
وانا ادري بك لعوب
وتعرف مدى أحزانـي

أستأذنك بـرووووح
برحل بلا رجعـــه
بخاطرٍ مجـــــرووح
ولاتنتظر جيَــــــه
وريح الغياب يفـوح

ولأنه غبي
ويحبي خلفك حبي
خليه يزعل..
ايه خليه يزعل وش عليه..
"دامـك تشوفين ان الزعل أجمـل"
اذا كنتي رضاه..
خليه يزعل..
لـين يتفجر ضجر..
ليـن الفجر..
بعدهـا
بيـدري إن الليل راح..
وبينتظر نور الصباح..

وبيلملـم اوراقـه
واشتيـاقه..
وبيشحـذ من عيونـه سهر..
لأجـل النهار اللي حضر..

لأجل
الحلم اللي مات بعنادك..
وبيبقى على بابك..
ينتظر..

لكن انتي وش عليك!!
وش يهمك
يا "أميره"
لاتخافي من سواليفي
وتخريفي..
هذا انا..
لاضاعت احلامي
اتذّكر الآمي!!
واطيش
واخلي اقلامي
تنتحر
وتنزف حبر
سميته "الدامي"

ايه
برحـــل
لا صارت ضلوعي تتكسر تبيك
وانتي مثل منتي
ماتغيرتي..

حديث الألسنه
اليوم وكل سنه

الكل يتمناك
ويطلب ارضاك

وانا جزاي منك..
"الباب يوسع جمل"
شي مابيه يصير وحصل..

العنــاد اللي تساوميني عليه..
بشتريــه ..
وادفع ثمن وصله من اليوم ببعـاد ..
ولاتحتريني
لـو الصبر يزداد..
اخترت البعاد
لاقيود ولا أصفاد..

وبحلم فيك ..
انك جيتي
لعيوني وصال !!
وتناديني نـــادم تعـال
أدري انــه محااااااااال
بس بحلم..

ولا صحيت من حلمي
ببكي عليك..
وبمسح دمعتي بأطراف كمي...
ولا زادت الأوجاع وازداد همي...
بكلم امي ...
وعندالغاليه
بشتكيك..
ادري بتقول...
لاتبكي عليها وهي ماتبيك..
وتٍـطمني بخليها تدعي لك
وماراح أخليها تدعي عليك..

كذا انا انتهيت
وندمت اني حكيت
لأني أحمق وأغبى غبي..
وصابتني عين ماصلت على النبي
رسمت نهاية أحلامي بيدي

ادري بتقولين هذا وش يبي!!!

تدرين
آهـ ياهم الحزين
بسحب نفسي بكلمتين

"الباب يوسع جمل"

نــــــادم

علي المحمد

09-26-2007, 06:07 AM

http://www.l22l.com/l22l-up-1/782075a2d2.gif

علي المحمد

09-28-2007, 05:03 AM

http://r15r.com/data/thumbnails/174/fhaad_47.gif

علي المحمد

10-03-2007, 04:47 AM

ماتغير شي .. من رحتي ..

نفس الحزن .. نفس الهموم .. وحيد :(

و تسليني حروف أخوي .. خالد صالح الحربي

علي المحمد

10-06-2007, 04:58 AM

http://www.ma4ma.com/upup/uploads/421bbd3e14.jpg

علي المحمد

10-08-2007, 07:07 AM

صباح الطهر بعيونك

وهذا العمر من دونــك ... لوجدانك

صباح الغيمه الزرقاء

ودمعه بالعيون غرقــاء ... بفقدانك

صباح الألم و جحودك

وحلم مــــات بصدودك ... بهجرانك

يا أكبر ذنب فيني ... يحتويني ...

كيف أستغفرك !!

وانتي بعيونك عجايب قدرة الخالق

كيف أستغفرك !!

وانتي ثغرك لا ابتسم يزهر به العاشق

كيف أستغفرك !!

وانا اللي فيك ميت وبهواك غارق

بعد مارحتي بعيد ..

صارت أنفاسي جليد .. وعيوني سحابه

ماكنت أهاب البعد و للأسف عضني بنـابه

علميني

كيف اتبعك !!

وانتي في شتات

كيف اجمعك !!

وعضامي رفات

كيف أوصلك !!

يا أحلى البنات

والقلب منِّك محترق

ماكان وده نفتـــــرق

( وافــتــرقنــا )

كنت أشوف الليل بحظورك عنفوان

كنت اشوف الأرض جنه وتباشير وأمان

اليوم جيت اجمع

من سوالف عمري اللي فات

رماد الحب وقلب باقي به فتات

لا ورود ولا سنابل نبات

جيتك بعين تدمع

تبكي غيابك ماقوت عقبك تبات

رمشها قبر وجفنها تابوت الممات

لا وجود ولا تباشير بحياة

اليوم جيت اجمعني

على سطور الورق

قصه حزينه على ضفاف الأرق

فوضى مشاعر .. حلم مات .. وقلب انحرق

جيتك يالذكريات الحزينه

بقلبي المجروح من فرقا ظنينه

جيتك يالذكريات الحزينه

هارب من الناس ومن قسوة سنينه

جيتك يالذكريات الحزينه

مابقى للحب مرسى في مواني هالمدينه

نــــــادم

علي المحمد

10-09-2007, 08:13 AM

ليلة البارحه ليلة السابع والعشرين من رمضان أنهيت عامي الــ 28

اليوم انا في بداية عامي الـ 29

الحمد لله على نعمته وفضله وكثير إحسانه

يارب غفرانك

علي المحمد

10-12-2007, 03:12 AM

.
.
.
.
.
رساله..
بعد الجفاء واهماله
رساله..
يخبرني عن أحواله

يقول..
كل عام وانت بخير
وانا أقول..
كل عام وجرحي بخير

دمعتي يادمعتي
مختلط مع حرَها حزن الغياب وفرحتي

ليل التجافي
وأنا وحروف القوافي

نبكي الغياب
ما للفرح أسباب
هم وأصناف العذاب
تدرين وش معنى اغتراب !!

حبنا مات في بعدك و انتهى
واقبلي في علاقتنا اسمى آيات العزى

أصافحك ياجرح
انت عيدي والثوب القديم الجديد

أصافحك ياجرح
انت عيدي كل سنه ياعسى عيدك سعيد

يمكن حبست الدمعه من غلاك
بس صدقيني انتهى كل شي بجفاك

ابعدي
ياعسى عيدك سعيد

ابعدي
الجرح خادم شريته من سوق العبيد

نــــادم

علي المحمد

10-17-2007, 07:17 AM

قبل انسى
وانهي قصتي
بغيت أرسم لوحه للعذاب وفرحتي

علي المحمد

10-20-2007, 05:41 AM

أفكــر فيك كثير .....

علي المحمد

10-20-2007, 06:21 AM

جيتك أسأل يابحر
يرضيك كذا على جالك انتظر
وأنفاسي تذبل وروحي من الشوق تحتظر

يابحر
بسألك من علمه
صاحبي
فن الغدر ..... !!!

ادري ماعندك جواب
وانك غارق بهمك والعذاب
شايل بجوفك حمول
ومنت داري وش أقول

بحر ممكن طلب :(

ابيك تظمني بجوفك وتريحني من التعب
مليت من وعود الكذب
مليت اشكي لك توصل له عتب

تشوف الهدايا اللي بيديني
ملت مني ماتبيني

تبيه
ومثلي تحتريه

أحبه رغم خذلانه والهجر
أحبه مووووت واذا انت تفهم يابحر

وصل له رساله
خله يشوفها ويقراها بخياله

ارسم له على أمواجك يابحر
وجهي الموسوم بأسواط السهر
واكتب له بزرقة الماء حبيبك عذبه الجفاء وخاينه الصبر

علي المحمد

10-21-2007, 02:20 AM

يمر الوقت
وعقارب الساعه تدور

وبعد مدهـ
بتمتلي القاعه حظور

بيمرك الوقت
بدنيا جديده وبيديك السرور
بيمرك الوقت
عطِّــري دنياهـ مسك وبخور

ولا تسألي أخوك الوحيد .. عن الأنين .. وغيبتك
هيبتي من هيبتك ..
يا اميره .. يا سندريلا .. يا صغيره ..

والله قسم
وأحلف يمين
ماني حزين ..... ماني حزين
فرحتي من فرحتك ..

يابنت النور ..

يا أطهر الحور ..

عساها دموعي فدوتك

مافيني شي ... بس حسيت اني بفقدك

علي المحمد

10-21-2007, 06:02 AM

http://www.6rbtop.com/listen.php?song_id=46&type=au&q=hi

علي المحمد

10-23-2007, 04:15 AM

http://upload.9q9q.net/file/jJi01w76Z75/--------------.amr.html-Accounting.html

علي المحمد

10-28-2007, 12:54 PM

أدري بقلبك حنون ...

بس علميني كيف أوصله !!

أكرهه خوفٍ ملكني ... ودرب وصلك أجهله ...

ممكن أعرف

لو صارحك بالحب (( محزون ))

بتحسنين الظن فيه والا بتعقدين المسأله !!

يعني كذا و الا كذا أنا متأكد ......... قلبي بدونك بقتله ...

تدرين يالقلب السموح

اذا شفتك مـــــــاودي أروح .... بس الخوف عندي معضلـــه

كل الحكايه باختصار هاربٍ منك من خوفي ..

انــا يانظر عيني وشوفي

فيني براءة طفل لاضاق صدره شال لحافه و هرب من بيت أهله

علي المحمد

11-06-2007, 09:03 AM

http://www.tarb.net/download.php?action=lsn&id=4279

وعدك متى ...

علي المحمد

11-11-2007, 11:01 AM

وش الجديد

الصيف ولَى وانتي بعيد ..

أبكتب حروفــــي و أعيد ..

والصبر جلاَد الألـــم

علي المحمد

11-16-2007, 09:06 PM

مقدر أعترف لك ...

اني احتاجك كثير ....

أعترف اني جبان أعترف اني غبـــ ...... :(

علي المحمد

11-26-2007, 09:11 PM

26/11/2007

هذا اليوم ليس ككل الأيام

أمنيتي تحققت و أصبحت خال لأول مره

الشكر لله على هذه المولوده البكر لأختي الغاليه

غلا الشكر لله الذي اعطاني العمر لأرى جمال الدنيا في عينيك الصغيرتين

كم انا سعيد بقدومك وبسلامة والدتك وفرحة الجميع بك

شغنيلك يا أموره // .. ياقلب امك ياعصفوره //

جيتي فرحه ملت هالبيت // .. لك من اسمك عز وصيت //

غلا ياورده حلوه بعيني // .. مرخص لك روحي وسنيني //

عسى الأيام تصفى لك // .. و حسنك مايغادر عن عيني //

اليوم بكتب لك حتوته // .. واحكيها لقلبك ياتوتــــــه //

واذا كبرتي و ماشفتيني // .. خليني بقلبك مثل القصه // .. قلبي واهديتك نصـَــه // .. ومن دعواتك لا تنسيني //

خالك / علي

علي المحمد

12-28-2007, 05:59 AM

في قسوة البرد

أتلحف الصمت بسكوتي ..

وصبحك الدافي مبتسم .. يضحك على موتي

كل اللي بقى تذكار

ولا أدري بعد هجرك .. لمين أشكي !!

بجمع لك ،، من أعماق الحشـا أزهــار ...

و عشان أدفى أبي أبكـــي ،،

أبي أبكي

علي المحمد

01-07-2008, 10:45 AM

http://www.6rbtop.com/library/resources/mayada_bseles/Collection/listen/42324_hi.ram

الليله .. برد
والإحساس دافي
على رصيف الأمل واقف .. أرسم على حدود الغرام قلبين
ياسكر الجرح .. لو العيون من العنا تحكي .. ماأنثر الدمعات وأجرح بها خدين
يبقى للصمت بسود اللواحيظ معنى .. لا تصافحو بحرارة الأشواق كفيـــن

الليله .. برد
وكل اللي بقى تذكار
ولا أدري بعد بعدك لمين أشكي
أخبي لك بحدب الضلوع أسرار
وعشان أدفى ..
على ذكراك ببكي ...

الليله.. برد
ومدينة الأحزان ظلما
تنتظر حلو الوعد يجمع اثنين
صوت ميــــادهـ يغني لك يا (( ........... ))
ينعي جفاك ويطلبك تبقيــن

ثلجك دفاني جمري برًدك
ضحكك بكاني دمعي فرًحك

يا انتي
ياسكر الجرح
ياملح يذبحني ظما
متى على الله نلتقي ...!!
وتمطر من الفرحه سمــــــا

نــــــــادم

علي المحمد

01-13-2008, 11:07 AM

http://www.tarb.net/download.php?action=lsn&id=12298 (http://www.tarb.net/download.php?action=lsn&id=12298)

إنتا صفحه وإنطوت
إنتا رحله وإنتهت
إنتا كلمه للأبد
من دواويني إنمحت ..

إرحل وخذ ماتبي وياك
إرحل ياسبة شقاي إرحل ..

إررررحل ياقاسي ولا تسأل

:(

علي المحمد

01-18-2008, 04:48 PM

تدرين وش أقسى من غيابك ... وأقسى من الذكرى ... ومن شدة عتابك

عطرك الباقي من آخر وعد ... لا ضميت يشمومه بصدري ... وقمت أحسب الأيام في بعدك و أعد

أعد أعوام ... أنا فيها أسير جروح ... بقايا روح... بقى منها ... رميم عظام

علي المحمد

01-29-2008, 02:42 PM

إن كنت ناوي عالسفر لاتــــوادع
وانت بعيونك متاهات الدروب
وأسرار المواجع ...

تدري فيني ماتحمَل .. طالبك فيني تجمَل
إرأف بحالي وتأمَــــــــــــل
عيون تفضحها المدامع

رح وين ماودك تروح .. مسموح يالوجه السموح
رح مابقى غير الجــــــــروح
تخاوي الحزن وتصافح

شف غلاك بقلب غالي .. مابدَلت فيه الليالي
كنت تجرحني بتعالــــــــــي
وكنت اغفر ذنوبك واسامح

شِفها أطلال المدينه .. ترفض غيابك تدينه
من قصة الفرقا الحزينــــــه
مابقى فيها ملامــــــــــح

مارحم ضعف الضعيفه .. ام الأحاسيس الرهيفه
ماخـذ الدنيـــــا بكيفــــــه
قاسيٍ قلبه وجارح

صارت تعض بشفاها .. غيم حرن واعتلاها
الدمع يسرق من حلاهـــــا
والألم مجنون فاضح

وفي ظلمة الليل العتيم
أجهشت تبكي سديـــــم
شف رقة قلوب الحريــم
شف حبهم شفاف واضح

كان جارح ..
كان قاسي ..
كان يجلدها مآسي ..
لو تنطق الصم الرواسي
كان تلعن هالعذاب

باكر الدنيا تدور
تسقيه ظلم تسقيه جور
ممتلي كبر و غرور
ماعرف مجنـى الغياب

دمعها يا دمعها
تكسر الخاطر سديم
دمعها يا دمعها
يعمي الشوف ويضيم
.
.
.
.
.
للنص بقيه ...

علي المحمد

02-06-2008, 06:52 AM

http://tarb.net/download.php?action=lsn&id=30041 (http://tarb.net/download.php?action=lsn&id=30041)

ماكان ودي
ياكيف قلبك تجرى
تسقيني سم الويل لوعه وحسرات

ماكان ودي
تسلب القلب عمره
تقتل حنينه فيك .. وتتركه بسكات

تقتل حنينه فيك وتتركـــه بسكات .. ماكان ودي

علي المحمد

02-11-2008, 01:37 PM

http://tarb.net/download.php?action=lsn&id=135 (http://tarb.net/download.php?action=lsn&id=135)

كيفك .. وش صآر في عمرك !!

بآقي الهوى بقلبك ،،

والا مثل عمري !

موجوع من بدري ،،

خلني بغنيلك ...

{ ،، نآآم القمر بوسآدتك نآم ،، ليتك تغير عآدتك ،، }

ويمرني طيفك ،،

وأبآدله آوهآم ،،

إلا على الطآري ...

كيفك ؟ مآزلت انا كيفك ؟

كانت هذي آخر رساله وصلتني منك قبل رحلتك للعلاج

الله معاك وقلبي معاك لين ترجعين

:(

علي المحمد

02-13-2008, 12:38 AM

لوجدانك :)

http://file5.9q9q.net/Download/68716348/--------------.amr.html

علي المحمد

02-23-2008, 08:35 PM

http://tarb.net/download.php?action=lsn&id=4013 (http://tarb.net/download.php?action=lsn&id=4013)

ياقلبي الطيب
تجي نسافر ... نروح هناك
تجي نسافر ... أنا وياك
نروح بعيد

ياقلبي الطيب
تجي نسافر ... نروح هناك
تجي نسافر ... أنا وياك
نفك القيد

ياقلبي الطيب
تجي وياي .. نهرب من / الأحزان و / السجَان .. وصوت الناي
تجي وياي .. على دربي تسج خطاك / وعلى دربك تسير خطاي

ياقلبي الطيب
تعب نبضك وأنا تعبان
تجي نسافر نروح هناك .. أنا وياك ..
ننسى من خذل طيب وجازى صبرك بنكران

علي المحمد

02-28-2008, 07:10 PM

تبي تروح لغيري ياسبة عناي
انت حر وخصيم نفسك!!
بس حط في بالك ياهواي
اناعلى حطت ايدك وغرسك
¤¤¤
ياعزتي لي
وياحسرتي وياشقاي
بتروح في عالمك هايم
وبتخليني اعيش باقي العمر نادم..
¤¤¤
انتهى كلامي..
وغاب صوته..
ومات سمعي..
والدمع حارق..
ياطول ليل المفارق..
الجو في كل الدروب خانق..!!
أحس الروح تتبع قدرها ومخوفها المعانق..
¤¤¤
الساعه عقاربها تدور..
والأرض جدبا مافيها زهور..
زهره سقيتها بكف يمناي
وقطفها غيري وانامالي عذر ولاني معذور..
حذروني ان الشوك بأغصان الحلو الغدور..
¤¤¤
شوكة ماآذت يدي..
ولاهي لامست شي بجسدي..
انغرست هنا بين الضلوع..
في اضعف مكان..
في بيت الحنان..
اللي ضيفته فيه وقلت
مكانك هنا ياسيدي..
¤¤¤
آآآه وين أهرب من واقعي
اركب سيارتي وكيف ماتجي الأمور تجي...؟؟
¤¤¤
في ليلةٍ قمرا..
والبرد جلاد..
والمصير ابعاد..
ودفى الروح مخلف الميعاد..
¤¤¤
رجفة ايدين..
ودموع تحرق صافي وجنتين..
وقلب مكلوم..
كواه حلمه بنار البين..
اعتليت المركبه
وبدا المشوار
وكنت نادم!!
¤¤¤
داخل القمره
وعلى جادة طريق
سحبت لي أقرب شريط
وبدى القيثاره
وبصوت هادي
يقول:
مقادير ياقلب العنا مقادير
مقادير وش ذنبي أنامقادير
مقادير وتمضي حياتي
مشاوير
واتمنى الهنى
مقادير
¤¤¤
وصلت لمدفن الحب..
وصلت للي ماتمنيته يصير..
هنا من هذا المكان..
بيمسك يدها وبياخذها وتروح..
هنا بينتهي كل الطموح..
هنا بجفف دمعتي..
هنا نهاية قصتي..
¤¤¤
اليوم يزفونك عليه..
ياشقى قلبي على شي بيجيه..
¤¤¤
صوت الزغاريد..
وأحلامي تبيد..
صوت الأغاني والطبول..
وانا متملكني الحزن عرض وطول..
¤¤¤
يارب تفرجها علي..
يارب تقويني شوي..
ابي اشوفها بفستان الزواج!!
بس ابي اتخيل اني زوجها وانها حلالي و لي..
¤¤¤
بعد طول انتظار
وبعد ماعشت المعمه
زفوها معه
طلعت وهي ماسكه يده
وانا اطالع من بعيد
ضكت بصدري عبرة وله
ووطيت راسي العنيد
وعدت الشريط من أوله
مقادير ياقلب العنا مقادير
¤¤¤
الدمع ماوقف سكيب
ورجعت نادم
نادم على حظي الردي
نادم على قلبي الوفي
خانه أغلى حبيب
¤¤¤
تعديت الدوحه والخبر
فوق الجسر
وقف المحزون
تحته بحر
وده ينتحر
وده قبل الشروق يموت
واعتبرها الفرصه اللي حرااام تفوووت..
وصاح فيه ضمير الحق والإيمان..
والخوف من ربه الرحمن..
أمك مالها غيرك تنتظر..
وانت تحاول تنتحر..
¤¤¤
ارجع وربك يفرجها عليك..
اكيد بتلاقي من يحبك..
مايبيعك يشتريك..
لميت نفسي وقمت راجع..
أضم في جوفي مواجع..
الوجه الثاني من الشريط ابتدا..
والحزن فيني ماانتها..
صوت خالد يغني ويقول..
موااادع
وكم خلن قال بعد فرقاه راجع..
موااادع
وكل خل جاك يجيه وقت ويوادع..
¤¤¤
ومثل الغريب لفيت الشوارع...
¤¤¤
عند الاشاره..
وقفت سياره..
فيها كل مظاهر التمدن والحظاره..
هذي سيارة العريس!!
وهذي ليلاك جنبه ياقيس..
تشوف قد ايش فرحانه..
وانت بعت عشانها الغالي والنفيس..
آآآه يالحظ التعيس...
¤¤¤
إلتفت أطالع يمين..
شدني منظر حزين..
شاب يذرف دمعتين..
على أنغام
ودعت جرحك..
¤¤¤
ودعت جرحك للأبد
ودعت جرحك
مالك غلا عندي أبد
ودعت جرحك
كنت ألقى في قربك حنان
وأنسى معك حزن الزمان
غدار مالك أي أمان
وش اللي أنتظره بعد
¤¤¤
شدها الصوت
ولمحتني واقف جنبهم
شافت اللي كان مجنون بحبهم
وشافت الدمعه الأخيره
من اللي حبها وماباع لجل الدنيا ضميره..
يالله عسى بفراقها خير..
يالله عسى بفراقنا خيره..
كانت الدمعه الأخيره..!!!
وكنت نادم
¤¤¤

علي المحمد

03-04-2008, 06:16 AM

على وجه الرصيف

وقف ماثل بوجه المـــــــــدى

وصوت وتمتمات الريح

على وجه الرصيف

ذكر حلمه الضايع ســــــــدى

وشاف المباني تصيــح

عيون كثار مرَت ترقبه

" في ليل العتيم تتهادى تشبه ملامح ضـي "

قام يصرخ ودمعه يغلبه

"لا ترقبوني .. ما فيني شي أنا مافيني شي"

"متفائل"

مادرى هالغشيم

إن ليلها وردي وليله الشاحب عتيم

"متفائل"

وجاهل بكل اللي حاصل

مادرى انها تشوف نفسها فوق مستواه بمراحل

ولامنه كتب بأبعاد وبرَّد على دمــًّه

قام الحزين وراح لأمـــَّه

يبي التحنان وشيٍّ من أحزانه يلمــَّه

يجيه غيث الفرح منها وعلى صدرها الحاني تضمــَّه

واذا ارتاح وانجلى همـَّه

مسح دمعاتــــه بأطــراف كمــَّه

و راح يتسلى

عل وعسى الغربال عنه يتجلى

ينعش عروقه بسيجاره

نار في جوفه تكويه بحراره

وده يزيل الحــــزن ويطرده وينفض غبــــاره

إيه أضحك

أضحك وبداخلي

الكثير من الأسى و الهمـــوم

اللي بوسط صدري من صدودك تعـوم

وأعشق اللون الرمادي

واذا غفى حلمي وتهت عنك بسهادي

رجعتك لعقلي يا "طفلتي" وخليته يغني لك عبادي

" كفاك غرور "

جــور ويتبعه جــور

وانا اللي فيك ميّت ومن جفاك مقهور

أحزاني أشباح وهمومي مسوَّره بقبـــور

يرفرف لك في قفص صدري الحزين عصفور

يردد اسمك بنبضه " كفاك غرور "

" كفاك غرور "

لاتغرك ضحكتي وتلاويني

وعفرتت طبعي وفوضى شياطيني

انا قدامهم بحلف يميني

اني احبك واهذري بك ... وأحب كذبك وألاعيبك

لا تقولي اني مثلهم عادي

وتساوميني على رغبتي فيك وعنادي

وانتي تدرين لامنه مـرني اسمك والمكان هادي

قلت لقلبي اللي منك تـــايه

هذا اليـوم يـوم ميلادي

هذي افراحي هذي اعيادي

كيف ماأتوه وأضيع لاشفتك ؟؟

وانتي كل شي فيك أحبه وبعيني خرافي

اكتب لك والرعشه تنفض أطرافي

أحتاجك على ضفافي

علي المحمد

03-04-2008, 02:59 PM

لاتهمك تخاريفي
ياأجمل تعاريفـي

لحظة شوي ..
مشتاق والله للتناحه،،
ودي اخذ راحتي،،
ياتفاحتي،،
ياتناحتي،،
أنا ما قلت لك
إذا مر يوم او يومين او عشره
وأنا عن قليبك بعيد..
لا تخافي من الغياب..ولايصيبك ارتياب..

لحظة شوي..

بحكي لك ... بقلبي شي

صارحيني
اذا بتعزفين على أيامك،،أقداري
اذا بتآخذين مع أوهامك،،أشعاري
اذا بتتركي حديث الامس
للأزمان..
للآهااااات..
للنسيان..
اذا بتفضحي بصدرك بعض أسراري..
تريثي ......
ترى صدري ماحوى غيرك
اسألك بالله لاتبيعي ضميرك

لحظه شوي

ياقمر ليل مجنونك ياشمعة الضي
مانزفته أمامك
فكر رسًــام
وريشه ... وكراسة رسم ..
ألوانها دم وقلبي على صفحاتها وشم!!

برسمك..حبيبتي ولو ماعرفت أرسمك
يكفيني إني
أمزج ألوانك..من أوجانك
ويكفيك إنَك
ريشتي..كراستي
مرسمي..صفحة ايامي..وكل شي قدامي

علميني
مايكفيك بوحي..
والا مازلتي تبين ثمن لجروحي ؟؟

تعاااااااال
فك القيد لو تسمح
وش فايدة قيدك؟؟
حرير ما يجرح ...... ما يذبح ......

تعاااااااال
لو تسمح
إصفح ... انا بأصفح ..
وفك قيدي
واذا انت ناوي عالغياب
قبل ترووووح
لوتسمح
هاك الوريد
سن سكين الغياب وإذبح